شىمكەنتتە مەملەكەتتىك رامىزدەر كۇنىندە كوك تۋدى اۋەلەتكەن اۆتو جانە ۆەلوشەرۋ ءوتتى

845
Adyrna.kz Telegram
https://adyrna.kz/content/uploads/2023/07/89bb9cb9-d5b0-4510-9d76-30ba4ac7226b.jpeg
شىمكەنتتە رامىزدەر كۇنىنىڭ قۇرمەتىنە بىرنەشە ءىس-شارالار ءوتىپ جاتىر. سولاردىڭ ءبىرى 23 مىڭ جانكۇيەردىڭ ءانۇراندى بىرگە قوسىلا شىرقاعانىمەن ەرەكشەلەنسە، بىرىندە اۆتو جانە ۆەلوشەرۋمەن جالعاسىپ جاتتى. ال تاۋەلسىزدىك ساياباعىنداعى رامىزدەر الاڭىندا ءانۇران شىرقالىپ، كوك تۋدى اۋەلەتىپ، ەگەمەندىكتىڭ باستى بەلگىلەرىنە قۇرمەت كورسەتىلدى. ءىس-شاراعا اسكەريلەر، كۇشتىك قۇرىلىم باسشىلىعى، دەپۋتاتتار، ارداگەرلەر، زيالى قاۋىم وكىلدەرى، جاستار مەن قالا تۇرعىندارى قاتىستى. مەركەلىك ءىس-شارادا پاتريوتتىق اندەر ورىندالىپ، اسكەري وركەستردىڭ مۋزىكانتتارى ونەر كورسەتتى. اسىرەسە، ارداگەرلەر بىرگە قوسىلىپ شىرقاعان پاتريوتتىق اندەر كوپشىلىكتى ءسۇيسىنتتى. مەرەكەگە قاتىسقان ءار شىمكەنتتىكتىڭ قولىنداعى كوك جالاۋلارى رۋحتى كوتەردى. پاتريوتتىق ءىس-شارا اياسىندا ورداباسى الاڭىنان بايدىبەك بي ەسكەرتكىشىنە دەيىن مەملەكەتتىك تۋدى جەلبىرەتكەن 50 اۆتو مەن 80 ۆەلوشەرۋ كوشەلەرمەن ءجۇرىپ وتكەنى دە قالا تۇرعىندارىنا رۋح بەرىپ، مەرەكەلىك كۇننىڭ ابىرويىن اسقاقتاتتى.
پىكىرلەر