بۇعان قوسا، نازارباەۆتىڭ جيەنى فەيسبۋكتەگى وتباسىلىق جاعدايى تۋرالى اقپاراتتى "اجىراسقان" دەپ وزگەرتكەن. بۇل تۋرالى Sputnik حابارلايدى.
قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ جيەنى ايسۇلتان نازارباەۆ فەيسبۋكتەگى جەكە پاراقشاسىندا تەگىن راحات دەپ وزگەرتتى.
ونداعى مالىمەتكە سۇيەنسەك، تۇڭعىش پرەزيدەنتتىڭ جيەنى وسى جىلدىڭ 5 اقپانىندا اجىراسقان.
ايسۇلتاننىڭ "نازارباەۆ" تەگىنەن باس تارتقانى تۋرالى تانىمال بلوگەرلەر دە جەلىدە جازىپ جاتىر.
كەشە ايسۇلتان نازارباەۆ الەۋمەتتىك جەلىدە ۆيدەو جاريالاپ، قاعبانى اينالىپ جۇرگەنىن كورسەتكەن بولاتىن.
ايتا كەتسەك، ايسۇلتان نازارباەۆ – داريعا نازارباەۆا مەن راحات اليەۆتىڭ ەكىنشى ۇلى. ونى بۇقارالىق اقپارات قۇرالدارى كوبىنەسە "پرەزيدەنتتىڭ سۇيىكتى جيەنى" دەپ اتايدى.
1990 جىلى 26 تامىزدا ومىرگە كەلگەن. بالا كەزدەن فۋتبولعا قىزىعادى. 2006 جىلى قازاقستاننىڭ جاسوسپىرىمدەر قۇراماسىنىڭ ساپىندا ەۋروپا چەمپيناتىنىڭ ىرىكتەۋ تۋرنيرىنە قاتىسادى. "چەلسي" جانە "پورتسمۋت" جاستار كوماندالارى مەن قازاقستاندىق "استانا" كومانداسىندا ويناعان.
2013 جىلى "قازرومگاز" اق باسشىسى قايرات بورانباەۆتىڭ قىزىنا ۇيلەنگەن ەدى. ايسۇلتاننىڭ جارى بولعان اليما – بەلگىلى اكتەر ءانۋار بورانباەۆتىڭ نەمەرەسى.
2016 جىلدىڭ جازىندا ەكى جاستىڭ وتباسىندا امەلي ەسىمدى قىز دۇنيەگە كەلدى.
