Būǧan qosa, Nazarbaevtyŋ jienı feisbuktegı otbasylyq jaǧdaiy turaly aqparatty "ajyrasqan" dep özgertken. Būl turaly Sputnik habarlaidy.
Qazaqstannyŋ tūŋǧyş prezidentı – Elbasy Nūrsūltan Nazarbaevtyŋ jienı Aisūltan Nazarbaev feisbuktegı jeke paraqşasynda tegın Rahat dep özgerttı.
Ondaǧy mälımetke süiensek, tūŋǧyş prezidenttıŋ jienı osy jyldyŋ 5 aqpanynda ajyrasqan.
Aisūltannyŋ "Nazarbaev" tegınen bas tartqany turaly tanymal blogerler de jelıde jazyp jatyr.
Keşe Aisūltan Nazarbaev äleumettık jelıde video jariialap, Qaǧbany ainalyp jürgenın körsetken bolatyn.
Aita ketsek, Aisūltan Nazarbaev – Dariǧa Nazarbaeva men Rahat Älievtıŋ ekınşı ūly. Ony būqaralyq aqparat qūraldary köbınese "prezidenttıŋ süiıktı jienı" dep ataidy.
1990 jyly 26 tamyzda ömırge kelgen. Bala kezden futbolǧa qyzyǧady. 2006 jyly Qazaqstannyŋ jasöspırımder qūramasynyŋ sapynda Europa chempinatynyŋ ırıkteu turnirıne qatysady. "Chelsi" jäne "Portsmut" jastar komandalary men qazaqstandyq "Astana" komandasynda oinaǧan.
2013 jyly "QazRomGaz" AQ basşysy Qairat Boranbaevtyŋ qyzyna üilengen edı. Aisūltannyŋ jary bolǧan Alima – belgılı akter Änuar Boranbaevtyŋ nemeresı.
2016 jyldyŋ jazynda ekı jastyŋ otbasynda Ameli esımdı qyz düniege keldı.
Aisūltan Nazarbaev feisbuk äleumettık jelısınde aty-jönın Aisūltan Rahat (Aisultan Rakhat) dep, al otbasylyq jaǧdaiyn "ajyrasqan" dep özgertken.
© FOTO : ÄLEUMETTIK JELIDEN ALYNDY
Aisūltan Nazarbaev otbasymen
