اقتاۋداعى ينفەكتسيالىق بالالار اۋرۋحاناسىندا ەكى كۇننەن بەرى سۋ جوق. بۇل تۋرالى جەرگىلىكتى پورتال "لادا" جاريالادى، دەپ حابارلايدى “ادىرنا” ۇلتتىق پورتالى.
بالالارعا ارنالعان وبلىستىق جۇقپالى اۋرۋلار اۋرۋحاناسى وسى جاعدايعا قاتىستى تۇسىنىكتەمە بەردى.
جاس انانىڭ ايتۋىنشا، ەمدەۋ مەكەمەسىندە ەكى كۇننەن بەرى اۋىز سۋ جانە تەحنيكالىق سۋ جوق. سوندىقتان پاتسيەنتتەر بەس ليترلىك بوتەلكەدەگى اۋىز سۋدى ساتىپ الۋعا ءماجبۇر بولۋدا.
ىدىس جۋعا مۇمكىندىك جوق. پالاتا تازالانباعان. ولار بىزگە ناقتى جاۋاپ بەرمەيدى. وسىنداي جاعدايلارعا بايلانىستى قولحات جازىپ، ۇيگە شىققىمىز كەلەدى. بىراق ولار ءبىزدى جىبەرمەي جاتىر، - دەيدى جازيرا ەسىمدى ناۋقاس.
بالالار جۇقپالى اۋرۋلار اۋرۋحاناسىنداعىلاردىڭ ايتۋىنشا، قازىرگى ۋاقىتتا قۇبىرلار ەسكىرگەندىكتەن جانە جەرتولەگە ءجيى سۋ اعىپ جاتقاندىقتان قۇبىرلار اۋىستىرىلىپ جاتقان كورىنەدى. الايدا، جوندەۋ جۇمىستارىنىڭ قاشان اياقتالاتىنى ازىرگە بەلگىسىز.
https://m.youtube.com/watch?v=Xp1-zz_9mAY&embeds_referring_euri=https%3A%2F%2Fsputnik.kz%2F&source_ve_path=MTY0OTksMjg2NjQsMjg2NjQsMjg2NjY&feature=emb_logo
