رەسەي 2022 جىلدىڭ اقپانىنان بەرى ۋكراينانىڭ وككۋپاتسيالانعان ايماقتارىنان 700 مىڭنان استام بالانى الىپ كەتكەن، دەپ حابارلايدى "ادىرنا" ۇلتتىق پورتالى.
بۇل تۋرالى رەسەيدىڭ بالا قۇقىقتارى جونىندەگى باس مامانى ماريا لۆوۆا-بەلوۆا حابارلادى. ول 2022 جىلعى دەرەكتەر بويىنشا وسىنداي مالىمدەمە جاسادى.
باس ماماننىڭ ايتۋىنشا، جەتىم بالالارعا ارنالعان مەكەمەلەردىڭ 1,5 مىڭعا جۋىق تاربيەلەنۋشىسىن رەسەي تاراپى الىپ كەتكەن. اتاپ ايتقاندا، دونباسستىڭ وككۋپاتسيالانعان بولىگىنەن 288 بالا، لۋگانسك وبلىسىنان 92 بالا شەكارا اسقان.
2022 جىلدىڭ ساۋىرىنەن قازانىنا دەيىنگى ارالىقتا دونەتسك وبلىسى بويىنشا اتا-اناسىز قالعان 380 بالانى رەسەيلىك وتباسىلار اسىراپ العان.
سونىمەن قاتار، رەسەي باسقىنشىلارىنىڭ قىرىم، حەرسون وبلىسىنداعى "ولەشكوۆ" بالالار ۇيىنەن 52 بالانى الىپ كەتكەنى ءمالىم بولدى.
ايتا كەتۋ كەرەك، وتكەن جىلداعى جاز سوڭىندا "مايدان شەبىندەگى جاعدايعا بايلانىستى" حەرسون، زاپوروجە، حاركوۆ وبلىستارىنىڭ بالالارى قىرىم مەن رەسەي فەدەراتسياسىنىڭ كراسنودار ولكەسىنە وتكەن.
وسى ۋاقىتقا دەيىن ۋكراينا ۇكىمەتى "ۋاقىتشا باسىپ الىنعان اۋماقتاردان" زاڭعىز اكەتىلگەن 373 بالانى قايتارىپ العانى ايتىلادى.
"ادىرنا" ۇلتتىق پورتالى
