شۆەتسيا دۇكەندەرىندە Oreo مەن Milka-نىڭ ۋكرايناداعى "سوعىستىڭ دەمەۋشىسى" ەكەندىگى ەسكەرتىلە باستادى

2336
Adyrna.kz Telegram
https://adyrna.kz/content/uploads/2023/06/6d8e3fa0-b1d6-4fb0-9e51-eedc505f7565.jpg
شۆەد ۇكىمەتى ساۋدا نارىعىنىڭ تۇتىنۋشىلارىن "سوعىس دەمەۋشىلەرىنەن" ساقتاندىرا باستادى. ۋكرايناداعى سوعىسقا "جان ءبىتىرىپ" وتىرعان Oreo مەن Milka ونىمدەرىن ەرەكشەلەپ اتاپ، وندىرۋشىلەردىڭ ارەكەتتەرىن اشكەرەلەدى. ونىڭ دالەلى رەتىندە دۇكەن سورەلەرىنە ەسكەرتۋ تاقتايشالارى ءىلىندى، دەپ حابارلايدى "ادىرنا" ۇلتتىق پورتالى. 
شۆەتسيانىڭ ەڭ ءىرى ICA اتتى ساۋدا ورتالىقتارىنىڭ  بىرىندە ەرەكشە جاعداي بولىپ جاتىر. ول جەردە  ۋكراينا  "سوعىس دەمەۋشىلەرى" رەتىندە جاريالاعان Oreo, Alpen Gold, Milka جانە ت.ب. برەندتەرىنىڭ جانىندا ەسكەرتۋ تاقتايشالارى ورناتىلا باستادى. بۇل ونىمدەردىڭ بارلىعى امەريكالىق Mondelez International كومپانياسىنا تيەسىلى. بۇل تۋرالى الەۋمەتتىك جەلىلەردە پروديۋسەر سەم كلەبانوۆ حابارلادى.
مۇنداي تاقتايشانىڭ ءبىرى Marabou جايعاسقان سورەدە ورنالاسقان. وندا:
"عافۋ وتىنەمىز، نازار سالىڭىزشى. Marabou - رەسەي مەن ۋكراينا اراداعى سوعىسقا دەمەكشى بولعانى ءۇشىن ۋكراينانىڭ قارا تىزىمىنە ەنگەن", -  دەپ جازىلعان.
بۇدان بولەك، بىرقاتار سكانديناۆيالىق كومپانيالار Mondelez International ونىمدەرىن ساتۋدان سانالى تۇردە باس تارتتى. سەبەبى، جەمقورلىققا قارسى ۇلتتىق اگەنتتىك مۇنداي ونىمدەردى "سوعىستىڭ دەمەكشىلەرى" دەپ جاريالاعان ەدى.
"ادىرنا" ۇلتتىق پورتالى 
پىكىرلەر