"ۋكراينا - ۇلتشىلدار ەلى". پۋتين ماڭىنداعىلار مەكتەپكە ارناپ جاڭادان تاريح وقۋلىعىن شىعاردى

2975
Adyrna.kz Telegram
https://adyrna.kz/content/uploads/2023/08/is700.jpg
"ۋكراينا - ورىستىڭ بارلىق ارەكەتىن دۇشپاندىق دەپ جاريالاندى". رەسەيدە شىققان جاڭا تاريح وقۋلىعىندا  ۋكرايناعا قاتىستى "ۋلترا-ۇلتشىل" مەملەكەت دەپ جازىلدى. سونىمەن قاتار اۆتورلار وقۋشىلاردى "سىرتقى اگەنتتەردىڭ" ايتاعىنا ەرمەۋگە شاقىرادى، دەپ حابارلايدى "ادىرنا" ۇلتتىق پورتالى.  اعارتۋ ءمينيسترى سەرگەي كراۆتسوۆ پەن ءپۋتيننىڭ كومەكشىسى ۆلاديمير مەدينسكي ۇسىنعان رەسەي تاريحىنىڭ "جاڭا وقۋلىعىندا" ۋكراينا قارالانادى. ەلگە "كەز كەلگەن وپپوزيتسياعا تىيىم سالعان "ۋلترا-ۇلتشىل" مەملەكەت" دەگەن باعا بەرىلەدى.
وقۋلىقتىڭ بىرنەشە بەتىندە ۋكرايناداعى سوعىسقا قاتىستى ارنايى جازىلعان. كىتاپتاعى جازىلعان ماتىندەر مەن رەسەيدىڭ مەملەكەتتىك ورگاندارى تاراتقان ماملەلەردىڭ قانداي دا ءبىر ايىرماشىلىعى جوق. وقۋلىقتا رەسەيدىڭ باسقىنشىلىق ارەكەتى "ارنايى اسكەري وپەراتسيا" دەپ اتالعان.
"ۋكراينا - ۇلتشىل مەملەكەت. بۇگىندە ۋكرايناداعى كەز كەلگەن قارسىلىق قوزعالىستارى قاتاڭ تۇردە قۋدالانادى، وپپوزيتسياعا تىيىم سالىنادى، بارلىق ورىستاردى دۇشپان كورەدى", - دەلىنگەن وقۋلىقتا.
كەلەسى بەتتە رەسەيگە قارسى ەنگىزىلگەن سانكتسيالار جايلى ءسوز بولادى. وقۋشىلارعا مۇنداي سانكتسيالاردىڭ "مۇلدەم زاڭسىز" ەكەندىگى تاپسىرلەنەدى.  باتىس "رەسەيدىڭ اكتيۆتەرىن تىكەلەي ۇرلاپ قانا قويماي، ەكونوميكالىق قىسپاققا الدى" دەپ مالىمدەيدى. باتىستاعىلاردىڭ مۇنداي ارەكەتى تۇبىندە ءساتسىز اياقتالعانى تاڭبالانادى. سونداي-اق، اۆتورلار جوعارى سىنىپ وقۋشىلارىنا قاراتا ەسكەرتۋ جاسايدى. ۋكرايناداعى سوعىس تۋرالى "جالعان اقپاراتتارعا" يلانىپ قالماۋعا شاقىرادى.
"ساق بولىڭىز: "نەگە، نەلىكتەن جانە نە ءۇشىن؟" دەپ ويلانىڭىز.  وپپوزيتسيونەرلەر", "قوعامعا تانىمال ادامدار","تانىمال بلوگەرلەر"... ولار كىمنىڭ مۇددەسى ءۇشىن جۇمىس ىستەپ جاتىر. مۇنى دا ءبىر ءسات ەسكەرىڭىز. سوندا ءسىز ارزان-قۇرزان مانيپۋلياتسيالاردىڭ قۇربانى بولمايسىز", - دەپ قورىتىندىلايدى وقۋلىق اۆتورلارى.

"ادىرنا" ۇلتتىق پورتالى

پىكىرلەر