پروكۋرور ءماسىموۆتىڭ ءىنىسىن 13 جىلعا سوتتاۋدى سۇرادى

پروكۋرور پاۆلودار وبلىسى پوليتسياسىنىڭ ەكس-باسشىسى نۇرلان ءماسىموۆتى 13 جىلعا باس بوستاندىعىنان ايىرۋدى سۇرادى، دەپ حابارلايدى «ادىرنا» ءتىلشىسى. 3 تامىز كۇنى وتكەن سوت وتىرىسىندا قىلمىستىق ىستەر جونىندەگى مامانداندىرىلعان اۋدانارالىق سوتىنىڭ پروكۋرورى ازامات عاريفوللا ءماسىموۆتىڭ الاكولدىڭ جاعالاۋىنداعى ءۇيىن تاركىلەپ، 16 ملن تەڭگەنى قايتارۋدى تالاپ ەتتى. بۇعان قوسا، ءومىر بويى مەملەكەتتىك قىزمەتتەن شەتتەتىپ، «ايبىن» وردەنىنەن ايىرۋدى ۇسىندى. سوتتالۋشى ءوزى كىناسىن مويىندامادى. ايتا كەتەيىك، وتكەن جىلعى 17 قاڭتاردا پاۆلودار وبلىسى پوليتسيا دەپارتامەنتىنىڭ باسشىسى نۇرلان ءماسىموۆ قىزمەتىنەن بوساتىلعان ەدى. سول جىلى ماۋسىم ايىندا ماسىموۆكە ىزدەۋ جاريالاندى. وعان اسا اۋىر سىبايلاس جەمقورلىق قىلمىس جاسادى دەگەن ايىپ تاعىلىپ وتىر. 2022 جىلعى 13 شىلدەدە ۇلتىق قاۋىپسىزدىك كوميتەتىنىڭ وكىلدەرى نۇرلان ءماسىموۆتى رەسەيمەن شەكارادا ۇستادى.