تۇركىستان قالاسى ەرەكشە مارتەبەگە يە بولادى. ءتيىستى زاڭ جوباسى «اشىق نقا» سايتىندا جاريالاندى، دەپ حابارلايدى «ادىرنا» ءتىلشىسى.
قۇجاتقا سايكەس، تۇركىستان قازاقستان رەسپۋبليكاسىنىڭ رۋحاني جانە تاريحي ورتالىعى ەرەكشە مارتەبەسىنە يە تۇركىستان وبلىسىنىڭ اكىمشىلىك ورتالىعى.
ۇلتتىق ەكونوميكا مينيسترلىگى ازىرلەگەن جوبا 23 تامىزعا دەيىن تالقىلاۋعا ۇسىنىلدى.
زاڭ جوباسىنىڭ ماقساتتارى:
تۇركىستان قالاسىنىڭ قازاقستاننىڭ رۋحاني جانە تاريحي استاناسى رەتىندە جۇمىس ىستەۋى سالاسىنداعى قوعامدىق قاتىناستاردى رەتتەۋ; تۇركىستان قالاسىنىڭ قالىپتاسۋى مەن جۇمىس ىستەۋى ءۇشىن قۇقىقتىق جانە ۇيىمداستىرۋشىلىق جاعدايلار مەن تەتىكتەر جاساۋ; مادەني جانە ءدىني مۇرانى قولداۋ، قاسيەتتى ورىندار مەن كورىكتى جەرلەردى ساقتاۋ جانە قورعاۋ; تۇركىستان قالاسىن دامىتۋ بولىگىندە ورتالىق جانە جەرگىلىكتى اتقارۋشى ورگاندار اراسىنداعى ۇيلەستىرۋ مەن ءوزارا ءىس-قيمىلدى جاقسارتۋ.زاڭ جوباسىندا تۇركىستان قالاسىن مەملەكەتتىڭ رۋحاني جانە تاريحي استاناسى رەتىندە دامىتۋ ساياساتىنىڭ نەگىزگى باعىتتارىن بەلگىلەۋ كەزىندە بيلىك قالاي ارەكەت ەتەتىنى، ولار قالانىڭ تاريحي كەلبەتى مەن تاريحي-مادەني مۇرا وبەكتىلەرىن ساقتاۋ بويىنشا نە ىستەۋ كەرەكتىگى ايقىندالادى.
ۇقساس جاڭالىقتار
