پاكىستاننىڭ بۇرىنعى ۇكىمەت باسشىسى، ساياساتكەر يمران حان ءۇش جىلعا سوتتالدى. ول سىبايلاس جەمقورلىق ءىسى بويىنشا تۇتقىندالىپ، ءۇش جىلعا باس بوستاندىعىنان ايىرىلدى، دەپ حابارلايدى "ادىرنا" ۇلتتىق پورتالى.
سوت شەشىمى شىققاننان كەيىن بۇرىنعى ۇكىمەتتىڭ تىزگىنىن ۇستاعان حان لاحورداعى ۇيىندە قاماۋعا الىندى، دەپ حابارلادى پاكىستاننىڭ PTI پارتياسى.
سوت پروتسەسى و باستا يمران حاننىڭ 2018 جىلدان 2022 جىلعا دەيىن پرەمەر-مينيستر بولعان كەزىندە مەملەكەتتىك سىيلىقتاردى زاڭسىز ساتىپ-cاتپاعانىن انىقتاۋ باستالعان ەدى. ناتيجەسى بويىنشا، وعان تاعىلعان ايىپ دالەلدەنگەن.
PTI پارتياسى سوت شەشىمىن جوققا شىعارىپ، حاننىڭ اتىنان جوعارعى سوتقا شاعىمدانعانىن حابارلادى.
بۇرىنعى پرەمەر-مينيستر بارلىق قۇقىق بۇزۋشىلىقتاردى بىرنەشە رەت جوققا شىعاردى.
ورايى كەلگەندە ايتا كەتەيىك، 70 جاستاعى حان وتكەن جىلى پارلامەنتتەگى بيلىكتەن كەتتى. وعان "سەنىمسىز تۇلعا" دەگەن باعا بەرىلدى. سودان بەرى ول شەحباز شاريف باستاعان قازىرگى ۇكىمەتكە قارسى حالىقتىق ناۋقاندى باسقاردى. جاڭا ۇكىمەت باسشىسىن ايىپتاپ، ءوزىن بيلىكتەن كەتىرگەنىن، ساياساتتان تىس ۇستاۋ ءۇشىن جوعارى اسكەري باسشىلىقپەن ءسوز بايلاسقان ايتىپ، ايىپتادى.
بيلىكتە بولعان جىلدارىندا حان رەسەيمەن تىعىز بايلانىستا بولدى. ول 23 اقپاندا ماسكەۋگە ارنايى ساپارمەن باردى. رەسەيدىڭ باتىس ەلدەرىمەن قارىم-قاتىناسى قايشىلاسقان تۇستا ماسكەۋدە ءجۇردى. سونىمەن بىرگە ونىڭ رەسەي استاناسىنا ساپارىنىڭ ەكىنشى كۇنى، 24 اقپاندا، رەسەي اسكەرلەرى ۋكراينا اۋماعىنا باسىپ كىرىپ، ۋكراينا قالالارىنا وق جاۋدىرعان بولاتىن.
"ادىرنا" ۇلتتىق پورتالى
ۇقساس جاڭالىقتار
ورتالىق ازيا
پاكىستان
قازاقستان رەسەي
ۇكىمەت باسشىسى
حالىقارالىق ساياسات
رەسەي ساياساتى
ءپۋتيننىڭ ىقپالى
وتارلاندىرۋ ساياساتى
