Päkıstannyŋ būrynǧy Ükımet basşysy, saiasatker İmran Han üş jylǧa sottaldy. Ol sybailas jemqorlyq ısı boiynşa tūtqyndalyp, üş jylǧa bas bostandyǧynan aiyryldy, dep habarlaidy "Adyrna" ūlttyq portaly.
Sot şeşımı şyqqannan keiın būrynǧy ükımettıŋ tızgının ūstaǧan Han Lahordaǧy üiınde qamauǧa alyndy, dep habarlady Päkıstannyŋ PTI partiiasy.
Sot prosesı o basta İmran Hannyŋ 2018 jyldan 2022 jylǧa deiın premer-ministr bolǧan kezınde memlekettık syilyqtardy zaŋsyz satyp-catpaǧanyn anyqtau bastalǧan edı. Nätijesı boiynşa, oǧan taǧylǧan aiyp däleldengen.
PTI partiiasy sot şeşımın joqqa şyǧaryp, Hannyŋ atynan Joǧarǧy sotqa şaǧymdanǧanyn habarlady.
Būrynǧy premer-ministr barlyq qūqyq būzuşylyqtardy bırneşe ret joqqa şyǧardy.
Oraiy kelgende aita keteiık, 70 jastaǧy Han ötken jyly Parlamenttegı bilıkten kettı. Oǧan "senımsız tūlǧa" degen baǧa berıldı. Sodan berı ol Şehbaz Şarif bastaǧan qazırgı ükımetke qarsy halyqtyq nauqandy basqardy. Jaŋa ükımet basşysyn aiyptap, özın bilıkten ketırgenın, saiasattan tys ūstau üşın joǧary äskeri basşylyqpen söz bailasqan aityp, aiyptady.
Bilıkte bolǧan jyldarynda Han Reseimen tyǧyz bailanysta boldy. Ol 23 aqpanda Mäskeuge arnaiy saparmen bardy. Reseidıŋ batys elderımen qarym-qatynasy qaişylasqan tūsta Mäskeude jürdı. Sonymen bırge onyŋ Resei astanasyna saparynyŋ ekınşı künı, 24 aqpanda, Resei äskerlerı Ukraina aumaǧyna basyp kırıp, Ukraina qalalaryna oq jaudyrǧan bolatyn.
"Adyrna" ūlttyq portaly
Ūqsas jaŋalyqtar
Ortalyq Aziia
Päkıstan
qazaqstan resei
Ükımet basşysy
halyqaralyq saiasat
resei saiasaty
putinnıŋ yqpaly
otarlandyru saiasaty
