الماتى ماڭىندا جەر سىلكىنىسى بولدى، دەپ حابارلايدى “ادىرنا”.
الماتى قالاسىنىڭ تج دەپارتامەنتىنىڭ حابارلاۋىنشا، جەر استى دۇمپۋلەرى جەرگىلىكتى ۋاقىت بويىنشا 6 تامىز كۇنى 20:29-دا بايقالعان. ماگنيتۋداسى - 4.2. جەر سىلكىنىسىنىڭ وشاعى الماتىدان وڭتۇستىككە قاراي 17 شاقىرىم جەردە قازاقستان اۋماعىندا ورنالاسقان.
الماتى مەن الما-اراسان شاتقالىندا سەزىنۋ 2 باللدى قۇرادى. توتەنشە جاعدايلار دەپارتامەنتى جەر سىلكىنىسىنەن كەيىن 112 جەلىسى بويىنشا ازاماتتاردان بىردە-ءبىر قوڭىراۋ بولماعانىن ايتادى. سونداي-اق زارداپ شەككەندەر مەن قيراعان عيماراتتار تۋرالى مالىمەت جوق.
جەر سىلكىنىسى ورىن العان ساتتە قاۋىپسىزدىك شارالارى قاتاڭ ساقتالۋى ءتيىس. ۇيدە بولعان جاعدايدا گاز، سۋ، ەلەكتر جۇيەلەرىن ءسوندىرىڭىز. بيىك عيماراتتاردان اۋلاق ءارى اشىق جەردى پانالاڭىز. ەلەكتر سىمدارى جانە وزگە دە قاۋىپ تۋدىراتىن زاتتاردان اباي بولىڭىز!
ۇقساس جاڭالىقتار
