21 ناۋرىز كۇنى الماتىداعى ساين كوشەسىندە ءىرى جول اپاتى بولدى. ونىڭ سالدارىنان ءبىر ادام قازا تاۋىپ، ەكەۋى جاراقات الدى، دەپ حابارلايدى «ادىرنا» ءتىلشىسى.
قالالىق پوليتسيا دەپارتامەنتىنىڭ ايتۋىنشا، Mercedes كولىگىنىڭ جۇرگىزۋشىسى ساين كوشەسىمەن سولتۇستىك باعىتتا، ۇلىقبەك كوشەسىنىڭ قيىلىسىندا كەلە جاتىپ، رولگە يە بولا الماي قالعان.
«جۇرگىزۋشى وقيعا ورنىندا كوز جۇمدى، ونىڭ ەكى جولاۋشىسى اۋرۋحاناعا جەتكىزىلدى»، - دەدى پد ءباسپاسوز قىزمەتى.
قازىر سوتقا دەيىنگى تەرگەۋ باستالىپ، ءتيىستى ساراپتاما تاعايىندالدى.
<
