قازاقستاندا اباي ەسىمدى 18 452 ادام تۇرادى. بۇل تۋرالى اباي كۇنىنە وراي ۇلتتىق ستاتيستيكا بيۋروسى اقىن ەسىمىمەن اتتاس قازاقستاندىقتار تۋرالى دەرەكتەردى ۇسىندى، دەپ حابارلايدى “ادىرنا” ۇلتتىق پورتالى.
بۇگىندە قازاقستاندا اباي ەسىمدى 18 452 ادام تۇرادى. اقىنمەن اتتاس تۇرعىندار سانى تۇركىستان وبلىسىندا كوپ كەزدەسەدى. مۇندا 2050 ادام تۇرادى، - دەلىنگەن بيۋرو حابارلاماسىندا.ال ۇلى اقىننىڭ ەسىمى بەرىلگەن ادام سانى جاعىنان ەكىنشى ورىندا تۇرعان قالا – استانا. وندا اباي ەسىمدى 1930 ادام تۇرادى. ودان كەيىن 1 588 ادام الماتى وبلىسىندا تۇراتىنى انىقتالدى. اقىننىع ەسىمى بار تۇرعىندار سانى ۇلىتاۋ وڭىرىندە وتە از. مۇندا نەبارى اباي ەسىمدى 194 ادام تۇرادى. اقىننىڭ تۋعان ولكەسىندە (اباي وبلىسىندا) 238 ادام تۇرادى. جاس قۇرامىن قاراساق، اباي ەسىمدى 17 جاسقا دەيىنگى 4297 بالا بار، ال 18 بەن 44 جاس ارالىعىندا – 8231 ادام.
ۇقساس جاڭالىقتار
