رەسەي مەملەكەتتىك دۋماسىنىڭ دەپۋتاتى اندرەي گۋرۋلەۆ قازاقستانعا قاتىستى مالىمدەمەلەر جازىلعان اۋديونىڭ جالعان ەكەنىن ايتتى، - دەپ حابارلايدى “ادىرنا”
"بۇگىن قازاقستاننان كەلگەن دوستارىمىزبەن مەنىڭ اتىمنان تاراعان قاۋەسەتتى قاراپ وتىرمىز. بۇل جالعان اۋديو ارينە. مەن نەيروندىق جەلىلەر كەز كەلگەن نارسەنى جالعان ەتەتىنىن تۇسىنەمىن، سوندىقتان مەن سىزدەردى كەز كەلگەن اقپاراتقا كەلگەندە مۇقيات بولۋعا شاقىرامىن. ەشكىمدى شاعىستىرۋدىڭ قاجەتى جوق»، - دەدى ول.
بۇعان دەيىن ساياساتتانۋشى عازيز ابىشەۆ رەسەي مەملەكەتتىك دۋماسىنىڭ دەپۋتاتى - مەملەكەتتىك دۋمانىڭ قورعانىس ىستەرى جونىندەگى كوميتەتىنىڭ مۇشەسى اندرەي گۋرۋلەۆتىڭ داۋسىنا ۇقساس ادامنىڭ قازاقستانعا قارسى قوقان-لوققى سوزدەر ايتىلعان اۋديوجازباسى تاراعانى تۋرالى پىكىر بىلدىرگەن بولاتىن.
