تۇركىستان وبلىسىنىڭ پوليتسەيلەرى ەكى كۇن بۇرىن جوعالعان قىزدى تاپتى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، 11 تامىز كۇنى تۇركىستان وبلىسى ماقتارال اۋدانى پوليتسياسىنا جەرگىلىكتى تۇرعىن ارىزداندى. ايەلدىڭ ايتۋىنشا، 9 تامىز كۇنى اۆتوبەكەتتە تۇرمىن دەپ حابارلاسقان 19 جاستاعى قىزى ۇيىنە قايتا ورالماعان.
ءتارتىپ ساقشىلارى حابارلاما تۇسە سالىسىمەن تەز ارادا ارەكەت ەتىپ، وقيعا ورنىنا جەتتى. جاس قىزدى تابۋ ماقساتىندا قاجەتتى بارلىق جەدەل-ىزدەستىرۋ جۇمىستارىن جۇرگىزدى. اتقارىلعان جۇمىستىڭ ناتيجەسىندە جاس قىز ءبىر تاۋلىككە جەتپەي شىمكەنت قالاسىنان تابىلدى. ول اتا-اناسىنا تاپسىرىلدى، - دەپ جازىلعان حابارلامادا.حابارلاعانداي، قىز قىدىرۋ ءۇشىن ەشكىمگە ايتپاستان مەگاپوليسكە جول تارتقان. ۇيالى تەلەفونى بۇزىلىپ قالعاندىقتان، وتباسىمەن حابارلاسا الماعان.
ۇقساس جاڭالىقتار
