تۇركىستان وبلىسى: تۇلكىباس اۋدانىندا بوس جۇمىس ورىندارى جارمەڭكەسى ءوتتى

تۇلكىباس اۋدانىنداعى مادەنيەت ۇيىندە «مانساپ ورتالىعىنىڭ» ۇيىمداستىرۋىمەن جۇمىسسىز ازاماتتاردى قولداۋ ماقساتىندا بوس جۇمىس ورىندارى جارمەڭكەسى ءوتتى.

جارمەڭكە جۇمىسسىزدىقتى ازايتۋ، تۇرعىنداردى ەڭبەككە تارتۋ جانە جاستاردى قولداۋ باعىتىندا ماڭىزدى ءرول اتقاردى.
سونىمەن قاتار، جارمەڭكەدە اۋدان اكىمىنىڭ تاپسىرماسىنا سايكەس جۇمىسسىز جۇرگەن جاستارىمىزدى جۇمىسقا ورنالاستىرۋعا باسىمدىق بەرىلدى.

اۋقىمدى شاراعا ءتۇرلى سالاداعى مەكەمەلەر مەن كاسىپورىندار قاتىسىپ، تۇرعىندارعا اشىق ۆاكانسيالار تۋرالى اقپارات ۇسىندى.

سونداي-اق، جارمەڭكەدە مەملەكەتتەن ءتۇرلى قولداۋلار مەن قايتارىمسىز گرانت الىپ، ءوز ءىسىن دوڭگەلەتىپ وتىرعان ازاماتتار ءوز ونىمدەرىنىڭ كورمەسىن ۇسىنىپ، كوتەرمە باعادا ساۋدالادى. 

ماڭىزدى شاراعا اۋدان اكىمى اسقار ەستىباەۆ، اۋداندىق ءماسليحاتتىڭ توراعاسى سەرعالي سارسەنباەۆ ارنايى قاتىسىپ، ءوز كاسىبىن ورلەتىپ وتىرعان ازاماتتاردىڭ ونىمدەرىمەن تانىسىپ، ىستەرىنە بەرەكە تىلەدى. 

جالپى جارمەڭكەدە 25 جۇمىس بەرۋشى مەملەكەتتىك مەكەمەلەر مەن كاسىپورىندار 100-دەن استام بوس ورىنداردى ۇسىنىپ، كەلگەن ازاماتتار جۇمىس بەرۋشىلەرمەن تىكەلەي سۇحباتتاسىپ، جۇمىسقا ورنالاسۋ مۇمكىندىكتەرىمەن تانىستى.

ايتا كەتەيىك، بۇگىندە اۋدان كولەمىندە 30 مىڭنان استام جاس بولسا، سونىڭ ىشىندە 900-گە جۋىعى جۇمىسسىز رەتىندە تىركەلگەن.