2026 جىلعى 17 قازاندا «تازا قازاقستان» جالپىۇلتتىق ەكولوگيالىق اكتسياسى اياسىندا «اسارلاتۋ» ەكولوگيالىق ءىس-شاراسى ۇيىمداستىرىلدى.
ءىس-شارانىڭ نەگىزگى ماقساتى – ارىق-اتىزدار مەن سۋارۋ كانالدارىن قوقىستان تازارتۋ، سۋ ارنالارىنىڭ كەدەرگىسىز اعىپ ءوتۋىن قامتاماسىز ەتۋ، قورشاعان ورتانىڭ تازالىعىن ساقتاۋ جانە تۇرعىندار اراسىندا ەكولوگيالىق مادەنيەتتى قالىپتاستىرۋ. سونىمەن قاتار، باستاما حالىقتى ورتاق ىسكە جۇمىلدىرىپ، ەلدى مەكەندەردىڭ تازالىعى مەن كوركەيۋىنە ۇلەس قوسۋعا، ۇلتتىق قۇندىلىعىمىز – اسار ءداستۇرى ارقىلى بىرلىك پەن ىنتىماقتى نىعايتۋعا باعىتتالدى.
ەكولوگيالىق ءىس-شاراعا جالپى 50 283 ادام قاتىسىپ، تازالىق جۇمىستارىنا 249 بىرلىك تەحنيكا جۇمىلدىرىلدى. ناتيجەسىندە 384,5 توننا قوقىس شىعارىلىپ، 448,9 گەكتار اۋماق تازارتىلدى. سونىمەن قاتار 215,7 شاقىرىم ارىق تازالانىپ، 1 150 اعاش ەگىلدى، 6 206 اعاش اكتەلدى.
اتالعان باستاما قورشاعان ورتانى قورعاۋعا، ەلدى مەكەندەردىڭ سانيتارلىق جاعدايىن جاقسارتۋعا جانە تۇرعىنداردىڭ ەكولوگيالىق جاۋاپكەرشىلىگىن ارتتىرۋعا باعىتتالعان جۇمىستاردىڭ ماڭىزدىلىعىن كورسەتتى.
«تازا قازاقستان» اكتسياسى اياسىنداعى مۇنداي يگى ىستەر حالىقتى ورتاق ماقساتقا جۇمىلدىرىپ، تابيعاتقا ۇقىپتى قاراۋ مادەنيەتىن قالىپتاستىرۋعا، ۇلتتىق داستۇرلەردى دارىپتەۋگە جانە قوعامداعى بىرلىك پەن ىنتىماقتى نىعايتۋعا ىقپال ەتەدى.
