شىعىس قازاقستاندا العاشقى قار جاۋدى

قازاقستاندا العاشقى قار جاۋدى، دەپ حابارلايدى “ادىرنا”. بيىل العاشقى قار شىعىس قازاقستان وبلىسىندا جاۋدى. 14 تامىز كۇنى تاڭەرتەڭ بەلۋحا تاۋىنىڭ اينالاسىن اپپاق قار باسىپ قالدى. بۇل تۋرالى Altay-pro لاگەرى Instagram پاراقشاسىندا ءبولىستى. "سوڭعى 10 جىلدا قار جاۋعانى ەسىمىزدە جوق. العاشقى قاردى بەلۋحا تۇبىندە كەزدەستىرەمىز", - دەپ جازعان. 15 تامىزدا سينوپتيكتەر شىعىس قازاقستان وبلىسىندا داۋىلدى ەسكەرتۋ جاريالاعان. تۇندە وبلىستىڭ تاۋلى ايماقتارىندا جاۋىن-شاشىن، جاڭبىر، بۇرقاسىن دا كۇتىلەدى. ەلىمىزدىڭ وزگە وڭىرلەرىندە قار مەن اياز ۇشقىنى بايقالمايدى. وتكەن جىلى شىعىس قازاقستان وبلىسىندا العاشقى قار ريددەر اۋدانىندا 18 تامىز كۇنى جاۋعان بولاتىن.