قۋانىش ەرعاليەۆ عىلىم جانە جوعارى ءبىلىم ۆيتسە-ءمينيسترى قىزمەتىنەن كەتتى

قۋانىش ەرعاليەۆ عىلىم جانە جوعارى ءبىلىم ۆيتسە-ءمينيسترى قىزمەتىنەن بوساتىلدى، - دەپ حابارلايدى “ادىرنا” ءتىلشىسى ۇكىمەتتىڭ ءباسپاسوز قىزمەتىنە سىلتەمە جاساپ. «قازاقستان رەسپۋبليكاسى ۇكىمەتىنىڭ قاۋلىسىمەن ەرعاليەۆ قۋانىش اسىلحانۇلى بەرگەن وتىنىشىنە سايكەس قازاقستان رەسپۋبليكاسى عىلىم جانە جوعارى ءبىلىم ۆيتسە-ءمينيسترى قىزمەتىنەن بوساتىلدى»، - دەلىنگەن حابارلامادا. قۋانىش ەرعاليەۆ 1982 جىلى شىعىس قازاقستان وبلىسىندا دۇنيەگە كەلگەن. س.د. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىن بىتىرگەن. قاراعاندى ​​ەكونوميكالىق ۋنيۆەرسيتەتى، تۋلەين ۋنيۆەرسيتەتى، گارۆارد ۋنيۆەرسيتەتىندە ءتالىم العان. 2009-2014 جىلدار ارالىعىندا دەنساۋلىق ساقتاۋ مينيسترلىگىندە ءتۇرلى لاۋازىمداردا قىزمەت اتقارعان. 2014-2019 جىلدارى نازارباەۆ ۋنيۆەرسيتەتىندە جۇمىس ىستەدى. 2019-2021 جىلدارى - سۇلەيمەن دەميرەل ۋنيۆەرسيتەتىنىڭ رەكتورى قىزمەتىن اتقاردى. 2021 جىلدىڭ ماۋسىمىنان وسى ۋاقىتقا دەيىن عىلىم جانە جوعارى ءبىلىم ۆيتسە-ءمينيسترى قىزمەتىن اتقاردى.