امەريكا قۇراما شتاتتارى «سولتۇستىك كورەيامەن بايلانىسى بار» دەگەن كۇدىكپەن رەسەي، قازاقستان جانە سلوۆاكيا كومپانيالارىنا قارسى سانكتسيا سالۋ جونىندە شەشىم قابىلدادى. بۇل اقپاراتتى اقش-تىڭ قارجى مينيسترلىگى تاراتتى، دەپ حابارلايدى “ادىرنا” ۇلتتىق پورتالى.
كاسىپورىن استانادا تىركەلگەن. كومپانيا قازىر جۇمىس ىستەمەيدى. قر قارجى مينيسترلىگىنىڭ اقپاراتى بويىنشا، كومپانيانىڭ قىزمەتى 2021 جىلدىڭ 14 اقپانىنان باستاپ توقتاتىلعان.
قر يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتتەرىنە سايكەس، اتالعان كاسىپورىنعا ەرەكشە تاۋارلاردى وتكىزۋگە ليتسەنزيا، رۇقسات بەرىلمەگەن.
ءبىز كومپانيانىڭ سانكتسيالار تىزىمىنە ەنگىزىلۋىن قازاقستاننىڭ رەزيدەنتى بولىپ تابىلمايتىن – ونىڭ يەسى اشوت مكرتىچەۆتىڭ اقش سانكتسياسىندا بولۋىمەن بايلانىستىرامىز. كومپانيانىڭ سانكتسيالار تىزىمىنە ەنگىزىلۋى تەحنيكالىق سيپاتتاعى ءجايت، - دەپ حابارلادى ۇلتتىق ەكونوميكا مينيسترلىگىنىڭ ءباسپاسوز قىزمەتى.
كومپانيا يەسى 2020 جىلدىڭ 7 ناۋرىزدا قازاقستاننان كەتىپ قالعان. ودان كەيىن ەلگە كەلمەگەن.
«Defence Engineering» كومپانياسىنان بولەك، ونىڭ باسقا يۋريسديكتسيالاردا تىركەلگەن ەكى كومپانياسى دا سانكتسياعا ىلىككەن.
