ەكس-پرەزيدەنت نۇرسۇلتان نازارباەۆتىڭ زايىبى – سارا نازارباەۆا نەگىزىن قالاعان «ادامنىڭ ۇيلەسىمدى دامۋىنىڭ ۇلتتىق ينستيتۋتى» ۇقك اتاۋىن وزگەرتەدى، دەپ حابارلايدى “ادىرنا” ۇلتتىق پورتالى.
ادامنىڭ ۇيلەسىمدى دامۋىنىڭ ۇلتتىق ينستيتۋتى» كەاق «وركەن» بالالار ءال-اۋقاتىنىڭ ۇلتتىق عىلىمي-پراكتيكالىق ينستيتۋتى» كەاق بولىپ قايتا اتالسىن، - دەلىنگەن ۇكىمەت قاۋلىسىنىڭ جوباسىندا.
اشىق نقا پورتالىندا جاريالانعان ۇكىمەت قاۋلىسىنىڭ جوباسىنا سايكەس، قازاقستاندا ادامنىڭ ۇيلەسىمدى دامۋى ۇلتتىق ينستيتۋتىنىڭ اتاۋىن وزگەرتىپ، رەبرەندينگ جاساۋ جوسپارلانىپ وتىر.
اتالعان ينستيتۋت 2021 جىلى سارا نازارباەۆا نەگىزىن قالاعان "بوبەك" قورىنىڭ جانىنان اشىلعان بولاتىن. ينستيتۋتتىڭ نەگىزگى ميسسياسى – ء"وزىن-ءوزى تانۋ" رۋحاني-ادامگەرشىلىك ءبىلىم بەرۋ باعدارلاماسى ارقىلى ەلدىڭ ادامي الەۋەتىن دامىتۋعا ۇلەس قوسۋ بولىپ كەلدى.
ادامنىڭ ۇيلەسىمدى دامۋى ۇلتتىق ينستيتۋتى ەندى "وركەن" بالالاردىڭ ءال-اۋقاتىن ارتتىرۋ ۇلتتىق عىلىمي-پراكتيكالىق ينستيتۋتى دەپ اتالىپ، ول كەلەسى باعىتتاعى قىزمەتتەردى اتقاراتىن بولادى:
- قر مەملەكەتتىك ساياساتىنىڭ نەگىزگى باعىتتارىن بالالار مۇددەسىندە ىسكە اسىرۋدى قامتاماسىز ەتۋ، اتاپ ايتقاندا بالالاردىڭ قۇقىقتارى مەن زاڭدى مۇددەلەرىن قامتاماسىز ەتۋ;
- بالالاردىڭ ءال-اۋقاتىنىڭ نەگىزدەرىن پسيحولوگيالىق-پەداگوگيكالىق زەرتتەۋدى جۇزەگە اسىرۋ;
- بالالارعا قاتىستى زورلىق-زومبىلىقتى دياگنوستيكالاۋ بويىنشا بەيىمدەلگەن قۇرالداردى، يننوۆاتسيالىق تەحنولوگيالاردى، زورلىق-زومبىلىقتىڭ الدىن الۋ ادىستەرى مەن تاسىلدەرىن پراكتيكالىق قولدانۋ جانە مەملەكەتىمىزدىڭ تابىستى بولاشاعىنىڭ سەنىمدى كەپىلى رەتىندە وسكەلەڭ ۇرپاقتى دامىتۋ ءۇشىن قولايلى ورتا قۇرۋ;
- بالانىڭ قۇقىقتارىن قورعاۋ جونىندەگى فۋنكتسيالاردى جۇزەگە اسىراتىن ۇيىم پەداگوگتەرى مەن ماماندارىنىڭ قىزمەتىن عىلىمي-ادىستەمەلىك سۇيەمەلدەۋ.
ەسكە سالايىق، 2022 جىلى ء"وزىن-ءوزى تانۋ" رۋحاني-ادامگەرشىلىك ءبىلىم بەرۋ باعدارلاماسى زاڭ جۇزىندە ءوز جۇمىسىن توقتاتقان بولاتىن.
