Eks-prezident Nūrsūltan Nazarbaevtyŋ zaiyby – Sara Nazarbaeva negızın qalaǧan «Adamnyŋ üilesımdı damuynyŋ ūlttyq instituty» ŪQK atauyn özgertedı, dep habarlaidy “Adyrna” ūlttyq portaly.
Adamnyŋ üilesımdı damuynyŋ ūlttyq instituty» KEAQ «Örken» balalar äl-auqatynyŋ ūlttyq ǧylymi-praktikalyq instituty» KEAQ bolyp qaita atalsyn, - delıngen Ükımet qaulysynyŋ jobasynda.
Aşyq NQA portalynda jariialanǧan Ükımet qaulysynyŋ jobasyna säikes, Qazaqstanda Adamnyŋ üilesımdı damuy ūlttyq institutynyŋ atauyn özgertıp, rebrending jasau josparlanyp otyr.
Atalǧan institut 2021 jyly Sara Nazarbaeva negızın qalaǧan "Böbek" qorynyŋ janynan aşylǧan bolatyn. İnstituttyŋ negızgı missiiasy – "Özın-özı tanu" ruhani-adamgerşılık bılım beru baǧdarlamasy arqyly eldıŋ adami äleuetın damytuǧa üles qosu bolyp keldı.
Adamnyŋ üilesımdı damuy ūlttyq instituty endı "Örken" balalardyŋ äl-auqatyn arttyru ūlttyq ǧylymi-praktikalyq instituty dep atalyp, ol kelesı baǧyttaǧy qyzmetterdı atqaratyn bolady:
- QR memlekettık saiasatynyŋ negızgı baǧyttaryn balalar müddesınde ıske asyrudy qamtamasyz etu, atap aitqanda balalardyŋ qūqyqtary men zaŋdy müddelerın qamtamasyz etu;
- balalardyŋ äl-auqatynyŋ negızderın psihologiialyq-pedagogikalyq zertteudı jüzege asyru;
- balalarǧa qatysty zorlyq-zombylyqty diagnostikalau boiynşa beiımdelgen qūraldardy, innovasiialyq tehnologiialardy, zorlyq-zombylyqtyŋ aldyn alu ädısterı men täsılderın praktikalyq qoldanu jäne memleketımızdıŋ tabysty bolaşaǧynyŋ senımdı kepılı retınde öskeleŋ ūrpaqty damytu üşın qolaily orta qūru;
- balanyŋ qūqyqtaryn qorǧau jönındegı funksiialardy jüzege asyratyn ūiym pedagogterı men mamandarynyŋ qyzmetın ǧylymi-ädıstemelık süiemeldeu.
Eske salaiyq, 2022 jyly "Özın-özı tanu" ruhani-adamgerşılık bılım beru baǧdarlamasy zaŋ jüzınde öz jūmysyn toqtatqan bolatyn.
