بۇگىننەن باستاپ الماتىدا قوعامدىق كولىكتەرىندە – اۆتوبۋستاردا، مەترودا جانە تروللەيبۋستاردا جول ءجۇرۋ اقىسى قىمباتتادى، - دەپ حابارلايدى "ادىرنا" ۇلتتىق پورتالى.
21 تامىزدان باستاپ قولما-قول اقشاسىز تولەۋ ءۇشىن جول ءجۇرۋ اقىسى 100 تەڭگە، قولما-قول تولەم ءۇشىن 200 تەڭگە بولادى. بۇعان دەيىن جول ءجۇرۋ اقىسى قولما-قول اقشاسىز تولەۋگە 80 تەڭگە، قولما-قول اقشاعا 150 تەڭگە بولاتىن.
قوعامدىق كولىكتەردە كىم تەگىن جۇرە الادى؟
- ۇلى وتان سوعىسىنىڭ قاتىسۋشىلارى، مۇگەدەكتەرى،
- 75 جاستان اسقان قارت ادامدار
- ءبىرىنشى، ەكىنشى توپتاعى مۇگەدەكتەر جانە ون سەگىز جاسقا دەيىنگى مۇگەدەك بالالار;
- 1986 جىلعى 17-18 جەلتوقسانداعى وقيعالارعا قاتىسقانى ءۇشىن ساياسي قۋعىن-سۇرگىنگە ۇشىراعان جانە اقتالعان ادامدار،
- باسقا مەملەكەتتەردىڭ اۋماعىنداعى اسكەري قيمىلداردىڭ ارداگەرلەرى،
- «التىن القا» جانە «كۇمىس القا» القالارىمەن ماراپاتتالعان كوپ بالالى انالار.
- 15 جاستان اسقان جالپى ءبىلىم بەرەتىن مەكتەپتەردىڭ وقۋشىلارى،
- تەحنيكالىق جانە كاسىپتىك ءبىلىم بەرۋ ۇيىمدارىنىڭ ستۋدەنتتەرى،
- كۇندىزگى وقۋ نىسانىنداعى جوعارى وقۋ ورىندارىنىڭ ستۋدەنتتەرى،
- جاس بويىنشا زەينەتكەرلەر
- كوپ بالالى انالار،
- ون سەگىز جاسقا تولماعان مۇگەدەك بالالاردى الىپ جۇرەتىن ادامدار.