سوت شەشىمىنە سايكەس بەلگىلى بيزنەسمەن، ءماسليحات دەپۋتاتى قايرات قۇدايبەرگەندى قاماۋدا ۇستاۋ مەرزىمىن 2023 جىلدىڭ 21 قىركۇيەگىنە دەيىن ۇزارتىلدى، دەپ حابارلايدى "ادىرنا" ۇلتتىق پورتالى.
«الماتى مامانداندىرىلعان اۋدانارالىق تەرگەۋ سوتىنىڭ 2023 جىلى 16 تامىزداعى اقپاراتى بويىنشا، سوت قاۋلىسىمەن تەرگەۋ ورگاندارىنىڭ ق-عا قاتىستى قاماۋدا ۇستاۋ مەرزىمىن ۇزارتۋىن سانكتسيالاۋ تۋرالى ءوتىنىشى قاناعاتتاندىرىلدى. ياعني 2023 جىلدىڭ 21 قىركۇيەگىنە دەيىن»، - دەلىنگەن سوت حابارلاماسىندا.وراي كەلگەندە ايتا كەتەيىك، 2022 جىلدىڭ 24 ساۋىرىندەگى سوت قاۋلىسىمەن تەرگەۋ ورگاندارىنىڭ ءوتىنىشى قاناعاتتاندىرىلعان بولاتىن. قايرات قۇدايبەرگەنگە قاتىستى ارەكەتتى سارالاۋ تۋرالى قاۋلى شىعارىلعانعا دەيىن ونى 30 تاۋلىك مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكتسيا بەرىلگەن بولاتىن. ەسكە سالايىق، قايرات قۇدايبەرگەننىڭ ۇستالعانى تۋرالى اقپارات بىلتىر 22 ساۋىردە بەلگىلى بولدى. قايرات قۇدايبەرگەننىڭ ديكي ارمانمەن بىرگە ادام جيناۋدى ۇيىمداستىرۋعا قاتىسقانى ايتىلادى. قايرات قۇدايبەرگەن «ديكي ارمان» لاقاپ اتىمەن تانىمال ارمان جۇماگەلديەۆپەن جاپپاي تارتىپسىزدىك كەزىندە بىرگە بولعانىن، سول كۇنى قانداي جاعداي بولعانىن ايتىپ بەرگەن ەدى.
6 قاڭتار كۇنى كۇندىز ارمانمەن ءبىرىنشى رەت تاۋەلسىزدىك الاڭىندا كەزدەستىك جانە بىرگە تۇرىپ ادامداردى سابىرلىققا، پروۆوكاتسياعا بەرىلمەۋگە شاقىردىق. ارمان ادامداردى تەك بەيبىتشىلىك ميتينگكە، ۇكىمەتپەن سويلەسۋگە شاقىردى. بىراق پروۆوكاتورلار پايدا بولىپ، ونى الاڭنىڭ باسقا جاعىنا الىپ كەتتى، مەن تۇرعان ورنىمدا قالدىم. قاسىما ەلدىڭ ىشىندە جۇرگەن بىرنەشە جىگىت كەلىپ، «اعا، مىنا جەردەگى پروۆوكاتورلار ءسىزدى ءولتىرىپ كەتۋى مۇمكىن، ءسىزدى كولىگىڭىزگە دەيىن شىعارىپ سالايىق» دەدى. ولارعا مىڭ دا ءبىر راحمەت! – دەپ جازدى دەپۋتات."ادىرنا" ۇلتتىق پورتالى
ۇقساس جاڭالىقتار
