شىمكەنتتە قىسقا مەرزىمدى كاسىپتىك وقىتۋ قىركۇيەك ايىندا باستالادى

مەملەكەت باسشىسى قاسىم-جومارت توقاەۆ حالىقتى الەۋمەتتىك قورعاۋعا باعىتتالعان مەملەكەتتىك باعدارلامانىڭ ساپالى جۇزەگە اسىرىلۋى بويىنشا ناقتى تاپسىرمالار جۇكتەدى. ناتيجەسىندە جۇمىسسىزدىق دەڭگەيىن 4,5%-تەن اسىرماۋ قاجەتتىگىن ەسكەرتتى. پرەزيدەنت تاپسىرماسىنا سايكەس شىمكەنتتە جۇمىسسىزدىقتى تومەندەتۋ ماقساتىندا ازاماتتاردى ەڭبەكپەن قامتۋ شارالارى قارقىندى جۇرگىزىلۋدە. قازىر ەڭبەك نارىعىندا تەحنيكالىق جانە كاسىپتىك سالا ماماندارىنا اتاپ ايتقاندا، دانەكەرلەۋشى، ەلەكتريك، قۇرىلىس جۇمىستارىنىڭ شەبەرى مەن كومپيۋتەر جانە اپپاراتىق قۇرالدارىنىڭ وپەراتورى، كوكونىس ءوسىرۋشى مەن مەرچەندايزارلەرگە سۇرانىس وتە كوپ. نارىقتاعى سۇرانىس ەسكەرىلىپ، «كاسىپكەرلىكتى دامىتۋدىڭ 2021 – 2025 جىلدارعا ارنالعان ۇلتتىق جوباسى» اياسىندا قىسقا مەرزىمدى كاسىپتىك وقىتۋ شارالارى ۇيىمداستىرىلۋدا. بۇل تەك جۇمىسسىزداردى ازايتىپ قانا قويماي، وتاندىق ءوندىرىستى قولداۋعا دا مۇمكىندىك بەرۋدە. بيىل قالادا قىسقا مەرزىمدى كاسىپتىك وقىتۋ قىركۇيەك ايىندا باستالادى. جالپى، بىلتىرعى جىلى كاسىپتىك وقىتۋ باعدارلاماسى بويىنشا 2134 ادام قامتىلعان بولاتىن. جۇمىس بەرۋشىلەردەن تۇسكەن وتىنىشتەر نەگىزىندە بيىل 1500 ازاماتتى وقۋ ۇيىمدارىندا ءتۇرلى ماماندىقتار بويىنشا وقىتۋ جوسپارلانۋدا. قاتىسۋشى 3 اي كاسىپتىك وقىتۋ مەرزىمىندە 20948 تەڭگە شاكىرتاقى جانە ءبىر رەتتىك ماتەريالدى كومەك الادى. كەيىن جۇمىس بەرۋشى جۇمىسسىز ازاماتتى الەۋمەتتىك كەلىسىمشارت نەگىزىندە 10 جۇمىس كۇنى ىشىندە جۇمىس ورنىنا كەمىندە 6 اي مەرزىمگە جۇمىسقا قابىلدايدى. سونداي-اق جۇمىس بەرۋشى كومپانيالاردىڭ وتىنىشىمەن 760 ادامدى جۇمىس ورىندارىندا كاسىپتىك وقىتۋ جوسپارلانىپ وتىر. وقۋ اياقتالعان سوڭ ءبىتىرۋشى كەمىندە 12 اي مەرزىمگە تۇراقتى جۇمىس ورنىنا ورنالاسادى. قازىر 34 كومپانيادان 40-تان استام ماماندىققا ءوتىنىم تۇسكەن. قىسقا مەرزىمدى كاسىپتىك وقىتۋ ونلاين پلاتفورما ارقىلى دا جۇزەگە اسىرىلادى. https://skills.enbek.kz/ سايتى ارقىلى بۇگىندە 2 جارىم مىڭنان استام ازامات ونلاين ءبىلىم العان.