Şymkentte qysqa merzımdı käsıptık oqytu qyrküiek aiynda bastalady

Memleket basşysy Qasym-Jomart Toqaev halyqty äleumettık qorǧauǧa baǧyttalǧan memlekettık baǧdarlamanyŋ sapaly jüzege asyryluy boiynşa naqty tapsyrmalar jüktedı. Nätijesınde jūmyssyzdyq deŋgeiın 4,5%-ten asyrmau qajettıgın eskerttı. Prezident tapsyrmasyna säikes Şymkentte jūmyssyzdyqty tömendetu maqsatynda azamattardy eŋbekpen qamtu şaralary qarqyndy jürgızılude. Qazır eŋbek naryǧynda tehnikalyq jäne käsıptık sala mamandaryna atap aitqanda, dänekerleuşı, elektrik, qūrylys jūmystarynyŋ şeberı men kompiuter jäne apparatyq qūraldarynyŋ operatory, kökönıs ösıruşı men merchendaizarlerge sūranys öte köp. Naryqtaǧy sūranys eskerılıp, «Käsıpkerlıktı damytudyŋ 2021 – 2025 jyldarǧa arnalǧan ūlttyq jobasy» aiasynda qysqa merzımdı käsıptık oqytu şaralary ūiymdastyryluda. Būl tek jūmyssyzdardy azaityp qana qoimai, otandyq öndırıstı qoldauǧa da mümkındık berude. Biyl qalada qysqa merzımdı käsıptık oqytu qyrküiek aiynda bastalady. Jalpy, byltyrǧy jyly käsıptık oqytu baǧdarlamasy boiynşa 2134 adam qamtylǧan bolatyn. Jūmys beruşılerden tüsken ötınışter negızınde biyl 1500 azamatty oqu ūiymdarynda türlı mamandyqtar boiynşa oqytu josparlanuda. Qatysuşy 3 ai käsıptık oqytu merzımınde 20948 teŋge şäkırtaqy jäne bır rettık materialdy kömek alady. Keiın jūmys beruşı jūmyssyz azamatty äleumettık kelısımşart negızınde 10 jūmys künı ışınde jūmys ornyna kemınde 6 ai merzımge jūmysqa qabyldaidy. Sondai-aq jūmys beruşı kompaniialardyŋ ötınışımen 760 adamdy jūmys oryndarynda käsıptık oqytu josparlanyp otyr. Oqu aiaqtalǧan soŋ bıtıruşı kemınde 12 ai merzımge tūraqty jūmys ornyna ornalasady. Qazır 34 kompaniiadan 40-tan astam mamandyqqa ötınım tüsken. Qysqa merzımdı käsıptık oqytu onlain platforma arqyly da jüzege asyrylady. https://skills.enbek.kz/ saity arqyly bügınde 2 jarym myŋnan astam azamat onlain bılım alǧan.