ەلىمىزدە جاڭا وقۋ جىلى 25 مامىردا اياقتالادى. بۇل تۋرالى پرەمەر-ءمينيستردىڭ ورىنباسارى — ەڭبەك جانە الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى «ادىرنا» ءتىلشىسى.
ول بۇل ماسەلە بويىنشا قوعامدا ءتۇرلى نارازىلىقتىڭ بولعانىن مالىمدەدى. ايتۋىنشا، مۇنداي يننوۆاتسيالاردى ەنگىزبەس بۇرىن مۇقيات دايىندىق قاجەت.
«وسىنداي جاڭاشىلدىقتى ەنگىزگەن كەزدە بارىنشا تىڭعىلىقتى دايىندىق قاجەت. مينيسترلىكتىڭ شەشىمى دۇرىس، بىراق اسىعىس قابىلدانعان دەپ سانايمىن. وسىعان بايلانىستى بيىلعى وقۋ جىلىن 25 مامىردا اياقتاۋ ارقىلى 34 اپتالىق وقۋ جىلىنا قايتارۋ دۇرىس بولادى»،—دەدى ول ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە.سونداي-اق مينيستر وقۋ جىلىن 36 اپتاعا دەيىن ۇزارتۋ ماسەلەسىنە 2025 جىلدان كەيىن ورالۋ قاجەت ەكەنىن اتاپ ءوتتى. ەستەرىڭىزگە سالا كەتەيىك، 2022-2023 وقۋ جىلى 36 اپتاعا سوزىلعان ەدى. بيىل مەكتەپ وقۋشىلارى ءۇشىن سوڭعى قوڭىراۋ 31 مامىر كۇنى سوعىلدى.
