تامارا دۇيسەنوۆا جاڭا قىزمەتكە تاعايىندالدى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ جارلىعىمەن تامارا دۇيسەنوۆا پرەمەر-مينيستر ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى. ول بۇرىنعى اتقارعان لاۋازىمىنان بوساتىلدى» دەلىنگەن حابارلامادا.
"بۇرىنعى" جانە "قازىرگى" ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا 1965 جىلى 11 قاڭتاردا تۇركىستان وبلىسىندا تۋعان.
1987 جىلى تاشكەنت حالىق شارۋاشىلىعى ينستيتۋتىن ءبىتىردى، ماماندىعى – ينجەنەر-ەكونوميست، ەكونوميكا عىلىمدارىنىڭ كانديداتى.
ەڭبەك جولىن 1988 جىلى ينستيتۋتتى اياقتاعاننان كەيىن وڭتۇستىك قازاقستان وبلىسى سارىاعاش اۋدانىنداعى ورتا مەكتەپتىڭ ينفورماتيكا ءپانىنىڭ مۇعالىمى قىزمەتىنەن باستادى.
1988-1992 جىلدارى وزبەك سسر-ءنىڭ مەملەكەتتىك جوسپارلاۋ كوميتەتىنىڭ ەكونوميكا عىلىمي زەرتتەۋ ينستيتۋتىنىڭ ەكونوميسى بولىپ جۇمىس ىستەدى. كەيىننەن وڭتۇستىك قازاقستان وبلىسى سارىاعاش اۋدانى اكىمىنىڭ كەڭەسشىسى، ورىنباسارى قىزمەتىن اتقاردى.
1997-1999 جىلدارى – شىمكەنت قالاسى اكىمىنىڭ ءبىرىنشى ورىنباسارى;
1999-2002 جىلدارى – وڭتۇستىك قازاقستان وبلىسى اكىمىنىڭ ورىنباسارى;
2002-2006 جىلدارى – قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ۆيتسە - ءمينيسترى;
2006 - 2008 جىلدارى - وڭتۇستىك قازاقستان وبلىسى اكىمىنىڭ ورىنباسارى;
2008 – 2013 جىلدارى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ جاۋاپتى حاتشىسى;
ەڭبەك جانە حالىقتى الەۋمەتتىك قورعاۋ ۆيتسە-ءمينيسترى (02.2013-06.2013); ەڭبەك جانە حالىقتى الەۋمەتتىك قورعاۋ ءمينيسترى (2013-2014); دەنساۋلىق ساقتاۋ جانە الەۋمەتتىك دامۋ ءمينيسترى (2014-2017); ەڭبەك جانە حالىقتى الەۋمەتتىك قورعاۋ ءمينيسترى (2017-2018); «Nur Otan» پارياسىنىڭ حاتشىسى (2018-2019). «ەڭبەك رەسۋرستارىن دامىتۋ ورتالىعى» اق جەتەكشىسى (2019-2020).
2020-2022 جىلدار ارالىعىندا پرەزيدەنت كومەكشىسى-پرەزيدەنت اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى بولعان. «قۇرمەت» وردەنىمەن، «قازاقستان رەسپۋبليكاسىنىڭ تاۋەلسىزدىگىنە 10 جىل» (2001), «قازاقستان كونستيتۋتسياسىنا 10 جىل» (2005) مەدالدارىمەن ماراپاتتالعان.
تامارا دۇيسەنوۆا 2022 جىلى 11 ساۋىردەن بەرى ەڭبەك جانە حالىقتى الەۋمەتتىك قورعاۋ ءمينيسترى قىزمەتىن اتقارىپ كەلگەن. بۇگىننەن باستاپ وعان پرەمەر-ءمينيستردىڭ ورىنباسارى دەگەن لاۋازىم قوسىلدى.
