Tamara Düisenova jaŋa qyzmetke taǧaiyndaldy. Būl turaly Aqorda jazdy, dep habarlaidy «Adyrna» tılşısı.
«Memleket basşysynyŋ Jarlyǧymen Tamara Düisenova Premer-Ministr orynbasary – Eŋbek jäne halyqty äleumettık qorǧau ministrı bolyp taǧaiyndaldy. Ol būrynǧy atqarǧan lauazymynan bosatyldy» delıngen habarlamada.
"Būrynǧy" jäne "qazırgı" Eŋbek jäne halyqty äleumettık qorǧau ministrı Tamara Düisenova 1965 jyly 11 qaŋtarda Türkıstan oblysynda tuǧan.
1987 jyly Taşkent halyq şaruaşylyǧy institutyn bıtırdı, mamandyǧy – injener-ekonomist, ekonomika ǧylymdarynyŋ kandidaty.
Eŋbek jolyn 1988 jyly institutty aiaqtaǧannan keiın Oŋtüstık Qazaqstan oblysy Saryaǧaş audanyndaǧy orta mekteptıŋ informatika pänınıŋ mūǧalımı qyzmetınen bastady.
1988-1992 jyldary Özbek SSR-nıŋ Memlekettık josparlau komitetınıŋ Ekonomika ǧylymi zertteu institutynyŋ ekonomisı bolyp jūmys ıstedı. Keiınnen Oŋtüstık Qazaqstan oblysy Saryaǧaş audany äkımınıŋ keŋesşısı, orynbasary qyzmetın atqardy.
1997-1999 jyldary – Şymkent qalasy äkımınıŋ bırınşı orynbasary;
1999-2002 jyldary – Oŋtüstık Qazaqstan oblysy äkımınıŋ orynbasary;
2002-2006 jyldary – Qazaqstan Respublikasy Eŋbek jäne halyqty äleumettık qorǧau ministrlıgınıŋ vise - ministrı;
2006 - 2008 jyldary - Oŋtüstık Qazaqstan oblysy äkımınıŋ orynbasary;
2008 – 2013 jyldary Qazaqstan Respublikasy Eŋbek jäne halyqty äleumettık qorǧau ministrlıgınıŋ jauapty hatşysy;
Eŋbek jäne halyqty äleumettık qorǧau vise-ministrı (02.2013-06.2013); Eŋbek jäne halyqty äleumettık qorǧau ministrı (2013-2014); Densaulyq saqtau jäne äleumettık damu ministrı (2014-2017); Eŋbek jäne halyqty äleumettık qorǧau ministrı (2017-2018); «Nur Otan» pariiasynyŋ hatşysy (2018-2019). «Eŋbek resurstaryn damytu ortalyǧy» AQ jetekşısı (2019-2020).
2020-2022 jyldar aralyǧynda Prezident kömekşısı-Prezident Äkımşılıgınıŋ Ötınışterdı qaraudy baqylau bölımınıŋ meŋgeruşısı bolǧan. «Qūrmet» ordenımen, «Qazaqstan Respublikasynyŋ täuelsızdıgıne 10 jyl» (2001), «Qazaqstan Konstitusiiasyna 10 jyl» (2005) medaldarymen marapattalǧan.
Tamara Düisenova 2022 jyly 11 säuırden berı Eŋbek jäne halyqty äleumettık qorǧau ministrı qyzmetın atqaryp kelgen. Bügınnen bastap oǧan Premer-Ministrdıŋ orynbasary degen lauazym qosyldy.
Ūqsas jaŋalyqtar
