Vengriia parlamentı premer-ministr Peter Madiardyŋ jäne Viktor Orban ükımetınde qyzmet atqarǧan ekı būrynǧy ministrdıŋ qol sūǧylmauşylyq qūqyǧyn alyp tastady. Būl şeşım olardyŋ üstınen jürgızılıp jatqan qylmystyq ıster boiynşa tergeudı jalǧastyruǧa mümkındık beredı, dep habarlaidy "Adyrna" portaly VVS-ge sıltep.
Associated Press mälımetınşe, deputattardyŋ basym bölıgı Madiardyŋ, būrynǧy mädeniet ministrı Balaş Hankonyŋ jäne būrynǧy ūlttyq damu ministrı Mikloş Şeştaktyŋ qol sūǧylmauşylyq qūqyǧyn alyp tastaudy qoldaǧan.
Madiarǧa 2024 jylǧy mausymda bolǧan oqiǧaǧa bailanysty ūrlyq jasady degen küdık keltırılgen. Tergeu nūsqasy boiynşa, ol özın videoǧa tüsırıp tūrǧan adamnyŋ telefonyn alyp, Dunaiǧa laqtyrǧan. Premer-ministr būl ärekettı joqqa şyǧarmaidy, bıraq ony ūrlyq dep baǧalauǧa bolmaitynyn aityp, ıstıŋ saiasi astary bar ekenın mälımdedı. Sonymen qatar ol özıne qatysty qolsūǧylmauşylyqty alyp tastaudy özı sūraǧan.
Al būrynǧy ministrler Balaş Hanko men Mikloş Şeştakqa qatysty ıster Viktor Orban bilıgı kezındegı yqtimal zaŋbūzuşylyqtardy tergeumen bailanysty.
Hanko Ūlttyq mädeni qordyŋ 17,3 mlrd forint qarajatyn maqsatsyz paidalanuǧa qatysy bar degen küdıkke ılındı. Al Şeştak 2014–2018 jyldary ministr bolǧan kezeŋde para aldy degen küdıkpen tergelıp jatyr. Ekeuı de özderıne taǧylǧan aiyptardy moiyndamaidy.
«Fides» partiiasy men onyŋ koalisiialyq serıktesı Hristian-demokratiialyq halyq partiiasynyŋ deputattary dauys beruge qatyspady. Olar būrynǧy ministrlerge qatysty aiyptardy saiasi qysym dep baǧalady.
