Bügın Ükımettıŋ keŋeitılgen otyrysynda Premer-ministr Oljas Bektenov el ekonomikasynyŋ negızgı salalaryndaǧy jetıstıkter men körsetkışter turaly baiandady, dep habarlaidy “Adyrna” ūlttyq portaly.
Premer-ministrdıŋ aituynşa, ötken jyly 29 ırı zauyt salynyp, auyl şaruaşylyǧy, kölık jäne tūrǧyn üi qūrylysy salalarynda bırqatar ılgerıleu baiqalǧan.
Sondai-aq, Qostanai oblysynda şoiyn qūiu, Almaty oblysynda volfram men jylu oqşaulaǧyş materialdar şyǧaratyn käsıporyndar ıske qosylǧan. Şymkent qalasynda baǧaly metaldardy öŋdeu, Qaraǧandy oblysynda katodty mys, avtomobil şinalary men tūrmystyq tehnika şyǧaratyn zauyttar boi kötergen.
“Saran qalasynda zamanaui öndırısterdıŋ ıske qosyluy onyŋ monoqala märtebesınen şyǧyp, jaŋa damu satysyna köterıluıne jol aşty”, – dedı Premer-ministr.
Byltyr 26 mln tonnadan astam astyq, 3 mln tonnadan astam maily daqyldar jinalyp, 4 mln tonna astyq eksportqa jöneltılgen.
“Egınşılerdı suarmaly sumen tolyq qamtuǧa basymdyq berıldı. Aral teŋızıne 2,6 mlrd tekşe metr su jıberıldı, būl ortaşa jyldyq körsetkışten edäuır joǧary”, – dep atap öttı Bektenov.
Odan bölek 80 su arnasyn jaŋǧyrtu jūmystary aiaqtalyp, su ünemdeu tehnologiialary qoldanylǧan egıstık kölemı 1,5 esege (470 myŋ gektarǧa deiın) ūlǧaidy.
19 mln şarşy metr tūrǧyn üi salynyp, densaulyq saqtau salasynda 397, bılım beru salasynda 298 nysan paidalanuǧa berıldı. Studentterge arnalǧan 40 jataqhana (11 myŋ oryn) aşylǧan.
Jük tasymalynyŋ kölemı 10%-ǧa ösıp, 1 mlrd tonnaǧa jettı. Transkaspii halyqaralyq kölık baǧyty boiynşa konteinerlık tasymal 2,7 ese artty.
Qūrylys pen jöndeu jūmystary 12 myŋ şaqyrym avtomobil jolyn jäne 2 800 şaqyrym temırjoldy qamtydy.
Almaty, Qyzylorda jäne Şymkent äuejailarynda jaŋa üş terminal ıske qosyldy. Būǧan qosa, Premer-ministr byltyr qosymşa 300 myŋnan astam adam gaz jelısıne qosylǧanyn, 200 myŋnan astam tūrǧynnyŋ ortalyqtandyrylǧan su jüiesıne qol jetkızgenın aitty.
Jalpy 542 şaqyrym jylu jelılerı, 55 jylu közı jaŋǧyrtylyp, 6,5 myŋ şaqyrym injenerlık jelı jöndeldı.
Jalpy 700 MVt-tan astam qosymşa elektr quaty öndırıske qosyldy. Premer-ministrdıŋ aituynşa, İnvestisiialyq ştabta qūny 50 mlrd dollar bolatyn 115 joba talqylanyp, olardyŋ problemalyq tūstary tez arada şeşımın tapqan.
“İnvestisiialyq ştab ıs müddesın nazarǧa alyp, biurokratiialyq kedergılerge qaramastan, elge qajettı jobalardy der kezınde bastauǧa mümkındık beretın şeşımder qabyldauda”, – deidı Bektenov.
Qazırgı kezde 97 tüzetu boiynşa zaŋnamalyq özgerıster äzırlenıp jatyr. Olar ıskerlık ahualdy jaqsartu üşın naqty mäselelerge tıkelei baǧyttalady.
Sarapşylardyŋ pıkırınşe, Qazaqstan ekonomikanyŋ türlı sektorlaryn damyta otyryp, infraqūrylymdy nyǧaituǧa den qoisa, aldaǧy uaqytta öndırıs pen eksporttaǧy jetıstıkterdı odan ärı arttyra alady. Ükımet būl ürdıstı jalǧastyruǧa niettı ekenın körsettı.
Ūqsas jaŋalyqtar
