Sý tasqynyna qarsy is-sharalardy úılestirý jáne sý tasqyny kezeńiniń zardaptaryn joıý jónindegi respýblıkalyq shtabtyń jetekshisi, premer mınıstr Oljas Bektenov Memleket basshysy Qasym-Jomart Toqaevty eldegi sý tasqyny jaǵdaıy jáne ony turaqtandyrý boıynsha qabyldanyp jatqan sharalar týraly udaıy habardar etip otyr, - dep habarlaıdy "Adyrna" ulttyq portaly UKIMET Telegram arnasyna silteme jasap.
5 sáýirde Memleket basshysynyń tapsyrmasy boıynsha Oljas Bektenov Aqtóbe jáne Shyǵys Qazaqstan oblystaryna bardy, sondaı-aq oblystyq shtab basshylarynyń qatysýymen sý tasqynyna qarsy is-sharalardy úılestirý jáne sý tasqynynyń zardaptaryn joıý jónindegi respýblıkalyq shtabtyń otyrysyn ótkizdi.
Premer-Mınıstrdiń tapsyrmasy boıynsha Premer-Mınıstrdiń orynbasary – Respýblıkalyq shtab basshysynyń orynbasary Qanat Bozymbaev Atyraý oblysyna, Tótenshe jaǵdaılar mınıstri Shyńǵys Árinov Qostanaı oblysyna jol tartty. Sý tasqyny jaǵdaıyn turaqtandyrý boıynsha jergilikti jumystardy úılestirý mindeti tur.
