Jemqorlyqpen aıyptalǵan sheneýnik basshylyqqa qaıta jaıǵasty

3441

Glýbokovskıı aýdanynyń eks-ákimi Tamara Rahymjanova áleýmettik akıonerlik qoǵam basshysy bolyp taǵaıyndaldy. Bul týraly akıonerlik qoǵamnyń resmı saıtynan belgili boldy, dep habarlaıdy "Adyrna" saıty inbusiness.kz-siltep. 

Eske salaıyq, 2021 jyldyń tamyz aıynda aýdan ákiminiń orynbasary Sergeı Qımasovtyń ustalǵany belgili boldy. Qyrkúıek aıynda aýdandyq mańyzy bar joldardy tazalaý jáne kútip ustaý jáne tótenshe jaǵdaılardy joıý boıynsha atqarylǵan jumystardy bıýdjetten ýaqtyly qarjylandyrýǵa qatysty, «Prıırtyshe-1» JShS basshysy Vıktor Leontevten para alý faktisi boıynsha aıyptaldy.

Aıta ketý kerek, bul iske Tamara Rahymjanovanyń qatysy bar bolyp shyqty. Leontevtiń aıtýynsha, Qımasov oǵan onyń ótinishi boıynsha kásipker memlekettik satyp alýlar týraly kelisim-shart somasynan 10 paıyz qaıtaryp alý kerektigin aıtqan. Biraq bul sotta dáleldenbedi. Nátıjesinde ákimniń eks-orynbasary Sergeı Qımasov ómir boıyna memlekettik qyzmette laýazymdardy atqarý quqyǵynan aıyrýmen 3 jylǵa bas bostandyǵynan aıyryldy.

2021 jyldyń 24 jeltoqsanynda Tamara Rahymjanovanyń jumystan ketkeni belgili boldy. Eske salaıyq, Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha basshylardyń qol astyndaǵy qyzmetkerlerge degen jaýapkershiligi zańnamalyq deńgeıde bekitilgen.

Saıası sheneýnikterdiń tikeleı baǵynyshtylary sybaılas jemqorlyq quqyq buzýshylyq jasaǵan jaǵdaıda qyzmetinen ketýi kerek.

Tamara Rahymjanova eńbek jolyn 2001 jyly Óskemen qalasynda «VNIITvetmet» mekemesinde tazalyqshy bolyp bastaǵan. 2014-2016 jyldary «Óskemen-tazalyq» JShS dırektory, 2016-2019 jyldary «Óskemen-tartıp» mekemesiniń dırektory qyzmetterin atqarǵan. 2019 jyldyń aqpan aıynan bastap – 2020 jyldyń qyrkúıeginen 2021 jyldyń jeltoqsanyna deıin Óskemen qalasy ákiminiń orynbasary, 2020 jyldyń qyrkúıeginen 2021 jyldyń jeltoqsanyna deıin – Glýbokovskıı aýdanynyń ákimi.

spkertis.kz saıtynyń basshylyq bóliminde Tamara Rahımjanovanyń «Ertis» ÁKK» AQ-nyń basshysy retinde taǵaıyndalǵanyn resmı túrde kóre alasyz.

"Adyrna" ulttyq portaly

Pikirler
Uqsas jańalyqtar