IIM Atyrauda ötken toida jürgen Baqytgül Hamenova tüsırılgen videoǧa qatysty pıkır bıldırdı, dep habarlaidy "Adyrna" ūlttyq portaly.
Qylmystyq-atqaru jüiesı komitetınıŋ mälımetınşe, Hamenova şartty türde sottalǧan jäne probasiia qyzmetınıŋ baqylauynda.
«Baqytgül Hamenova Atyrau qalasynyŋ №2 sotynyŋ zaŋdy küşıne engen ükımımen jetı jylǧa bas bostandyǧynan aiyru jazasyna kesıldı. Kämeletke tolmaǧan balasynyŋ boluyna bailanysty sot QR Qylmystyq kodeksınıŋ 74-babynyŋ 1-bölıgıne säikes üş jyl merzımge, bıraq balasy 14 jasqa tolǧanǧa deiın jazany öteudı keiınge qaldyrudy qoldandy», — delıngen jauapty organ habarlamasynda.
Komitet ökılderı sottalǧan azamatşa keiınge qaldyru kezeŋınde zaŋda belgılengen şekteulerdı saqtauǧa mındettı ekenın atap öttı. Atap aitqanda, oǧan elden şyǧuǧa tyiym salynǧan, ol kemınde toqsanyna bır ret probasiia qyzmetınde belgılenıp otyruy tiıs.
Sondai-aq, Hamenova tūrǧylyqty jerın özgertken jaǧdaida nemese basqa öŋırge şyqqanda probasiia qyzmetın habardar etuge, qyzmetkerdıŋ şaqyruy boiynşa keluge mındettı. Probasiia qyzmetı men äkımdık ökılderı onyŋ balasynyŋ tūrmys jaǧdaiyn tekserıp otyrady.
Sonymen qatar komitette atap ötkendei, sot şeşımımen mädeni nemese qoǧamdyq ıs-şaralarǧa qatysuǧa tyiym salu qarastyrylmaǧan.
Aita keteiık, 2022 jylǧy 15 qaraşada Atyrau qalalyq soty oblys äkımınıŋ būrynǧy orynbasary Baqytgül Hamenovaǧa qatysty ükım şyǧardy. Ol para alu babymen kınälı dep tanylyp, jetı jylǧa bas bostandyǧynan aiyrylǧan bolatyn.
