Burynǵy Ulttyq ekonomıka mınıstri Qýandyq Bıshimbaevtyń isi boıynsha ekinshi aıyptalýshy Baqytjan Baıjanov Bıshimbaevtyń oǵan qysym kórsetip jatqanyn aıtty, - dep habarlaıdy "Adyrna" ulttyq portaly.
Sot otyrysynda Baıjanovtyń advokaty sottan «sottalýshy Bıshimbaev pen sottalýshy Baıjanovtyń bólek otyrǵyzýyn» surady.
"Bıshimbaevtyń Baıjanovpen baılanysý múmkindigi bolmaýy úshin osylaı jasaý kerek bolady. Bul - Baıjanovtyń qalaýy. Baıjanov oǵan qysym jasalyp jatqanyn aıtty", - dedi advokat sotta.
Sottalýshy Baıjanov qorǵaýshysynyń sózin rastady.
«Ol (Bıshimbaev – jýrnalıst) maǵan: «Mynany aıt, mynany aıt» dep jan-jaqty qysym kórsetýde. Aıǵaqqa qatysty aıtyp jatyr», - dedi ol sýdıaǵa.
Esterińizge sala keteıik, buǵan deıin Bıshimbaev sot otyrysynda Núkenovany óler aldynda qalaı soqqyǵa jyqqany jaıly óz nusqasyn aıtyp bergen bolatyn. Sondaı-aq, onyń advokattary sotta jalǵan derek kórsetkeni úshin sýdıadan eskertý aldy.
