İtaliiadaǧy sūlulyq baiqauynyŋ jeŋımpazy atanǧan qazaq qyzy, astanalyq Äigerım Äbılqadyrova dziudodan Atyrauda ötıp jatqan Qazaqstan bırınşılıgınde jeŋımpaz atandy, dep habarlaidy “Adyrna” ūlttyq portaly.
Äigerım 52 kelı salmaqta top jardy. Ol finalda Aqmola oblysynyŋ ökılı Tolǧanai Äbeuovadan basym tüsken. Būl – Äigerım Äbılqadyrovanyŋ Qazaqstan chempionatynda jeŋıp alǧan 12-altyny.
Dziudoşy qyzdyŋ sūlulyq älemındegı jetıstıkterı de az emes. Ol biyl İtaliiada ötken «Miss Europe Continental-2022» baiqauynda jeŋıske jetken bolatyn.
Sondai-aq, Äigerım Äbılqadyrova – grepplingten äielder arasynda Qazaqstannan şyqqan tūŋǧyş ärı jalǧyz älem chempiony.
Osydan ekı jyl būryn jaraqat alyp, ülken sporttan alystaǧan dziudoşy tatamige ırı jeŋıspen oralyp otyr.
Aita keteiık, 52 kelı salmaq därejesındegı qola medaldy maŋǧystaulyq Güldana Almūhanbetova enşıledı.
Ūqsas jaŋalyqtar
