سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى كەزەڭىنىڭ زارداپتارىن جويۋ جونىندەگى رەسپۋبليكالىق شتابتىڭ جەتەكشىسى، پرەمەر مينيستر ولجاس بەكتەنوۆ مەملەكەت باسشىسى قاسىم-جومارت توقاەۆتى ەلدەگى سۋ تاسقىنى جاعدايى جانە ونى تۇراقتاندىرۋ بويىنشا قابىلدانىپ جاتقان شارالار تۋرالى ۇدايى حاباردار ەتىپ وتىر، - دەپ حابارلايدى "ادىرنا" ۇلتتىق پورتالى UKIMET Telegram ارناسىنا سىلتەمە جاساپ.
5 ساۋىردە مەملەكەت باسشىسىنىڭ تاپسىرماسى بويىنشا ولجاس بەكتەنوۆ اقتوبە جانە شىعىس قازاقستان وبلىستارىنا باردى، سونداي-اق وبلىستىق شتاب باسشىلارىنىڭ قاتىسۋىمەن سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنىنىڭ زارداپتارىن جويۋ جونىندەگى رەسپۋبليكالىق شتابتىڭ وتىرىسىن وتكىزدى.
پرەمەر-ءمينيستردىڭ تاپسىرماسى بويىنشا پرەمەر-ءمينيستردىڭ ورىنباسارى – رەسپۋبليكالىق شتاب باسشىسىنىڭ ورىنباسارى قانات بوزىمباەۆ اتىراۋ وبلىسىنا، توتەنشە جاعدايلار ءمينيسترى شىڭعىس ءارىنوۆ قوستاناي وبلىسىنا جول تارتتى. سۋ تاسقىنى جاعدايىن تۇراقتاندىرۋ بويىنشا جەرگىلىكتى جۇمىستاردى ۇيلەستىرۋ مىندەتى تۇر.
