Qazaqstan azamattyǧyn alatyndar memlekettık tıl bıluden emtihan tapsyrady. Būl turaly QR Premer-Ministrı Älihan Smaiylov mälımdedı, dep jazady "Adyrna" ūlttyq portaly.
Inform.kz habarlauynşa, bügın Senattyŋ jalpy otyrysynan keiın ötken baspasöz mäslihatynda tılşıler Ükımet basşysynan memlekettık tıldı bılmeitınderge Qazaqstan azamattyǧyn bermeitın zaŋ qabyldau mümkındıgıne qatysty sūraq qoidy. Osy oraida būl baǧyttaǧy jūmystar qalai jürgızıletının sūraldy.
«Tiıstı zaŋnamaǧa özgerıster qaralyp jatyr. Osy normalar Ükımette kelısu satysynan ötude. Jalpy, būl normalardy qoldaimyz. Sondyqtan osyndai özgerısterdı zaŋnamaǧa engızu kerek dep sanaimyz», - dedı Ä. Smaiylov.Būl tūrǧyda ol atalǧan özgerıster halyqaralyq täjıribege süienıp daiyndalǧanyn atap öttı.
«Köptegen elde azamattyq alu üşın memlekettık tıldı jäne sol eldıŋ tarihyn bılu kerek, sondai-aq tiıstı emtihan tapsyru mındetteledı. Germaniiada, Türkiiada, Kanadada, Reseide jäne basqa da memleketterde osyndai talaptar bar. Ol talaptar aiasynda azamattyq alatyn adamdar sol qoǧamǧa tez beiımdelıp ketuıne yqpal etedı. Sondyqtan tiıstı emtihan tapsyru kerek dep oilaimyz, iaǧni azamattyq alatyndar būl talaptarǧa sai boluy qajet», - dedı Premer-Ministr.Sonymen qatar Ükımet basşysy keibır sanattarǧa būl talaptar qoldanylmauy mümkın ekenın jetkızdı.
«Etnikalyq qazaqtarǧa jäne kämeletke tolmaǧandarǧa, sondai-aq halyqaralyq şarttarǧa säikes jeŋıldetılgen tärtıppen azamattyq alatyn adamdarǧa atalǧan talaptar qoldanylmaidy. Osy oraida Qazaqstanda jaqyn tuystary tūrsa nemese jūbaiy Qazaqstan azamaty bolsa, sondai-aq elımızge eŋbegı sıŋgen adam bolsa, onda tiıstı şeşımmen jeŋıldetılgen türde osy adamdar azamattyq ala alady», - dedı Älihan Smaiylov.Onyŋ sözıne qaraǧanda, Ükımettegı kelısu satysynan ötkennen keiın, būl qūjat jaqyn arada Parlamenttıŋ qarauyna tüsedı. Būdan būryn habarlanǧandai, memlekettık tıldı bılmeitınderge Qazaqstan azamattyǧyn bermeitın zaŋ qabyldanady.
"Adyrna" ūlttyq portaly
Ūqsas jaŋalyqtar
