Qazaqstan Prezidentı Qasym-Jomart Toqaev Premer-Ministrdıŋ orynbasary Tamara Düisenovany qabyldady, dep habarlaidy “Adyrna” ūlttyq portaly Aqordanyŋ baspasöz qyzmetıne sıltep.
«Qasym-Jomart Toqaev vise-premer Tamara Düisenovany qabyldady», - delıngen beisenbı künı taratqan habarlamada.
Tamara Düisenova:
-äleumettık salany qarjylandyrudyŋ jaŋa ädısterın tanystyrdy. Atalǧan täsılder bölıngen qarjynyŋ şyn mūqtaj jandarǧa jetuın, memlekettık qoldau şaralarynyŋ aşyqtyǧyn, sondai-aq biudjet qarajatynyŋ tiımdı jūmsaluyn qamtamasyz etuge baǧyttalǧan;
-osy salaǧa 14,5 trillion teŋge bölıngenın jetkızdı. Būl jalpy memlekettık biudjettıŋ 60 paiyzyn qūraidy;
-Otbasynyŋ sifrlyq kartasy arqyly körsetıletın qyzmetter azamattardyŋ äleumettık sanatyna qarai derbes ūsynylatyny turaly baiandady;
-bügınde äleumettık salany sifrlandyrudyŋ deŋgeiı qyzmet aluşylardy jäne olarǧa körsetılgen qyzmet kölemın anyqtap qana qoimai, memlekettık qoldau şaralarynyŋ qūrylymyna tüzetu engızuge mümkındık beretının aitty. Auyr tūrmystyq jaǧdaidaǧy otbasylarǧa arnalǧan ūtymdy ärı tiımdı kömek şaralary äzırlenedı;
-bılım beru, medisinalyq kömek sapasyn arttyru jäne äleumettık nysandar qūrylysy men auyl tūrǧyndaryn qoldau boiynşa Ükımet tarapynan qolǧa alynǧan jobalar jaiynda mälımet berdı.
Memleket basşysy qabyldanǧan şaralardyŋ maŋyzyn atap ötıp, atalǧan ūsynystardy qoldady. Sondai-aq būǧan deiın bastalǧan jūmystardy jüielı türde jalǧastyrudy tapsyrdy.
Ūqsas jaŋalyqtar
