Qazaqstan Prezidentı Qasym-Jomart Toqaev Tokio qalasyndaǧy BŪŪ universitetıne baryp, «Dürbeleŋge toly däuırdegı strategiialyq senımdı qalpyna keltıru: ädılettı ärı tūraqty älem qūru jolyndaǧy Qazaqstannyŋ ūstanymy» taqyrybynda därıs oqydy, dep habarlaidy "Adyrna".
Memleket basşysy Universitet ūjymyn oqu ornynyŋ qūrylǧanyna 50 jyl toluymen qūttyqtap, BŪŪU-dyŋ bükıl halyqaralyq qoǧamdastyqtyŋ igılıgı üşın naqty şeşımder äzırleuge qosqan ülesın atap öttı.
«Hanzada Siotoku VII ǧasyrda «üilesımdılık bärınen biık baǧalanuǧa tiıs» dep jazdy. Bügınde būl qaǧidat memlekettık basqaruda jäne halyqaralyq qatynastarda basty röl atqaryp, Qazaqstannyŋ syrtqy saiasatynda aiqyn körınıs tauyp otyr», – dedı Prezident.
Prezidenttıŋ paiymdauynşa, tiımdı diplomatiianyŋ özegınde däl osy jauapty ışkı saiasat jatyr.
“Biyl Qazaqstanda Ortalyq Aziia jäne Auǧanstanǧa arnalǧan BŪŪ ornyqty damu ortalyǧy aşyldy. Qazaqstan osy alaŋnyŋ negızınde Almatyda BŪŪ universitetınıŋ öŋırlık filialyn qūruǧa äzır. Onyŋ qyzmetın, eŋ aldymen, su jäne klimat qauıpsızdıgı, qaqtyǧystardy retteu, bıtımgerlık, ornyqty damu men jasandy intellektını basqaru mäselelerıne baǧyttauǧa bolady”, – dedı Qasym-Jomart Toqaev.
Bırıkken Ūlttar Ūiymynyŋ universitetı – BŪŪ Bas Assambleiasy qūrǧan jahandyq zertteu jäne bılım beru ortalyǧy. Ştab-päterı Tokioda ornalasqan universitet qūramyna älemnıŋ 12 elındegı 13 institut kıredı.
Aita keteiık, Prezident Japoniiaǧa memlekettık saparmen bardy.
