25 تامىزدا پرەمەر-ءمينيستردىڭ ءبىرىنشى ورىنباسارى رومان سكليار تمد ەلدەرىندەگى Kia كورپوراتسياسىنىڭ پرەزيدەنتى سانگ گۆون دجونگپەن قازاقستان-كورەيا ونەركاسىپتىك ىنتىماقتاستىعىن نىعايتۋ ماسەلەلەرى بويىنشا كەزدەسۋ وتكىزدى، دەپ حابارلايدى «ادىرنا» ءتىلشىسى ۇكىمەتتىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا ەلىمىششدە «Kia Qazaqstan» بىرلەسكەن كاسىپورنىن قۇرۋ بويىنشا قۇرىلتاي قۇجاتتارىنا قول قويىلدى. ول قوستاناي قالاسىندا برەندتىڭ جاڭا زاۋىتىنىڭ قۇرىلىسىنا، ەلىمىزدەگى اۆتوونەركاسىپتىڭ جەرگىلىكتى ورتالىعىنىڭ پايدا بولۋىنا جانە جاڭا فورماتتاعى تەحنيكالىق مامانداردى دايارلاۋعا جەتەكشىلىك ەتەتىن بولادى.
ينۆەستورلار جوباعا 90 ملرد تەڭگە سالادى.
«جاڭا Kia زاۋىتىندا ءوندىرىستىڭ تولىق كەزەڭى 2025 جىلى اشىلادى دەپ كۇتىلۋدە. ونىڭ وندىرىستىك الاڭى 85 مىڭ شارشى مەتردەن اسادى، 1500-گە جۋىق جۇمىس ورنىن قۇرۋ جوسپارلانىپ وتىر»،—دەدى باسقارما.
ۇقساس جاڭالىقتار
