قازاقستان ماگاتە-نىڭ ۇستىنەن سوتقا شاعىم تۇسىرەدى

ەڭ ءىرى ۋران وندىرۋشىلەردىڭ ءبىرى قازاقستان ماگاتە ديرەكتورلار كەڭەسىندە داۋىستىڭ جوقتىعىنا ريزا ەمەس جانە سوتقا شاعىم تۇسىرۋگە دايىندالىپ جاتىر، دەپ حابارلايدى “ادىرنا” ءتىلشىسى Bloomberg-كە سىلتەمە جاساي وتىرىپ. جۇما كۇنى Bloomberg باسىلىمى الەمدىك ۋراننىڭ بەستەن ەكى بولىگىن وندىرەتىن قازاقستان اتوم ەنەرگياسى جونىندەگى حالىقارالىق اگەنتتىكتىڭ شەشىم قابىلداۋ ۇردىسىنەن شەتتەتىلىپ وتىرعانىنا ريزا ەمەس ەكەندىگى تۋرالى ماقالا جاريالادى. قازاقستان ماگاتە-گە باسقارۋشىلار كەڭەسىنەن ورىن بەرۋ تۋرالى «زاڭدى ءوتىنىش» جولداۋعا دايىندالۋدا. قازاقستاننىڭ تالاپتارى اگەنتتىكتىڭ 2023 جىلدىڭ 25 قىركۇيەگىندە وتەتىن كەزەكتى جالپى كونفەرەنتسياسىندا باياندالادى. دۇنيە جۇزىندەگى ۋراننىڭ شامامەن بەستەن ەكى بولىگىن وندىرەتىن قازاقستان يادرولىق شەشىم قابىلداۋداعى جاعدايدى وزگەرتۋگە تىرىسىپ، زاڭدى شارا قولدانۋدى كوزدەپ وتىر. وسى تۇستا، جاڭا جەتكىزۋ تىزبەكتەرىن ىزدەۋدە قازاقستاننىڭ تالاپتارى كواليتسيا اراسىندا قولداۋ تاپتى. رەسەيلىك ديپلوماتتار قازاقستانعا بۇرىن كومەكتەسۋگە تىرىسقاندارىن جانە تاعى دا قولداۋعا دايىن ەكەندەرىن مالىمدەگەن. «ءبىز قازاقستاننىڭ باسقارما قۇرامىنا كىرۋگە جانە ىستەردىڭ ادىلەتسىز جاعدايىنا نازار اۋدارۋعا دەگەن تاباندى كۇش – جىگەرىن قۇپتايمىز»، – دەلىنگەن اقش-تىڭ ماگاتە-دەگى ەلشىسى لاۋرا حولگەيت مالىمدەمەسىندە.