قازاقستان پرەزيدەنتى قاسىم-جومارت توقاەۆ رەسەي پرەزيدەنتى ۆلاديمير ءپۋتيننىڭ شاقىرۋىمەن ماسكەۋگە مەملەكەتتىك ساپارمەن باردى، دەپ حابارلايدى "ادىرنا" ۇلتتىق پورتالى.
ۆنۋكوۆو-2 اۋەجايىندا جوعارى مارتەبەلى قوناقتى قارسى الۋ ءۇشىن ماسكەۋ گارنيزونىنىڭ قۇرمەت روتاسى مەن اسكەري ۇرمەلى وركەستر قىزمەت اتقاردى. پرەزيدەنت قاسىم-جومارت توقاەۆتى رەسەي ۇكىمەتىنىڭ ءبىرىنشى ورىنباسارى دەنيس مانتۋروۆ جانە باسقا دا رەسمي تۇلعالار قارسى الدى. ەكى ەلدىڭ مەملەكەتتىك گيمندەرى شىرقالدى.
اۋەگە كوتەرىلۋىنەن ماسكەۋگە قونۋىنا دەيىن قازاقستان پرەزيدەنتىنىڭ ۇشاعىن رەسەي قورعانىس مينيسترلىگىنىڭ سۋ-35 ۇشاقتارى قاداعالادى. بۇل تۋرالى پرەزيدەنتتىڭ ءباسپاسوز قىزمەتى ءوز Telegram ارناسىندا فوتوسۋرەتتەر مەن بەينەجازبالار جاريالاعان.
11-12 قاراشا كۇندەرى قاسىم-جومارت توقاەۆ ماسكەۋدە رەسمي ساپارمەن بولادى. كەزدەسۋلەر بارىسىندا ول ۆلاديمير پۋتينمەن ەكىجاقتى كەلىسسوزدەر وتكىزەدى جانە بەينە-كونفەرەنتس فورماتىندا XXI قازاقستان–رەسەي ايماقارالىق ىنتىماقتاستىق فورۋمىنىڭ پلەنارلىق سەسسياسىنا قاتىسادى. سونىمەن قاتار، ساپار بارىسىندا بىرقاتار ماڭىزدى كەلىسىمدەرگە قول قويىلۋى جوسپارلانعان.
