تۇركياداعى سايلاۋ. ەكى داۋىس بەرۋشىنىڭ سايلاۋ ۇستىندە قايتىس بولعانى حابارلاندى

2843
Adyrna.kz Telegram

تۇركياداعى سايلاۋدىڭ تارتىستى تۇستارى الەۋمەتتىك جەلىدە تاراپ جاتىر. وسىدان ءبىر ساعات بۇرىن سايلاۋ بولىمشەسىندە ەكى ادام قايتىس بولدى. ادىرنا ۇلتتىق پورتالى سايلاۋ بارىسىنداعى ايرىقشا وقيعالاردى توپتاپ، وقىرمانعا ۇسىنادى. 

بۇگىن، وكىنىشكە قاراي، ريزا مەن ترابزونداعى سايلاۋ ۋچاسكەلەرىندە ەكى ادامنىڭ جۇرەگى قىسىلىپ، ينفاركتتان قايتىس بولدى.

ريزانىڭ "جەكسەنبى" اۋدانىنداعى سايلاۋ ۋچاسكەلەرىنىڭ بىرىندە باقىلاۋشى، 65 جاسار شەرەف كۋرتتىڭ ءحالى ناشارلاپ، قايتىس بولدى. مەديتسينا قىزمەتكەرلەرى وعان ينفاركت دياگنوزىن قويدى.

ترابزونداعى اقشاابات اۋدانى، دەدجيك اۋدانىنىڭ 75 جاستاعى ايسەل ۇلىسوي تۋىستارىمەن بىرگە دەدجيك چيركەلي مەشىتىنىڭ № 1093 سايلاۋ ۋچاسكەسىندە داۋىس بەرۋگە بارعان. داۋىس بەرۋ كابيناسىنا كىرگەن كەزدە كەنەتتەن ءوزىن ناشار سەزىنگەن. داۋىس بەرۋشى اۋرۋحاناعا اپارا جاتقان كەزدە "اتتانىپ كەتتى".

وقيعانى تەرگەۋ جالعاسىپ جاتىر.

ىستامبۇل قالاسى، باقشالىۇيلەر اۋدانى، قوساسينان مەكتەبىندە سايلاۋشىلار اراسىندا توبەلەس بولدى. ازىرگە جەرگىلىكتى بۇقارالىق اقپارات قۇرالدارى تالاس-تارتىس سەبەپتەرىن انىقتاپ جاتىر.

قۇزىرلى مەكەمەلەر رەسمي جاۋاپ بەرمەدى.

ال يزمير قالاسى، راقىپ ءۇزىمشى مەكتەبىندە AKP پارتياسىنىڭ وكىلدەرى باقىلاۋشىلارعا قالام تاراتقانى ءۇشىن داۋعا قالدى. ۆيدەودان بايقاعاندارىڭىزدار، ول وزگە پارتيا مۇشەلەرىنىڭ قارسىلىعىنا ۇشىراعان.

كونيا جۇرتشىلىعىنىڭ كەمەل قىلىشتارۇلىنىڭ سايلاۋدا جەڭىسكە جەتۋىن تىلەپ، اقسارباس شالعانى حابارلاندى.

"ادىرنا" ۇلتتىق پورتالى

 

پىكىرلەر