اۋىل شارۋاشىلىعى ۆيتسە-ءمينيسترى الاتاۋ قالاسىنداعى اۋىل شارۋاشىلىعىنا جاتپايتىن جەر تۋرالى ايتتى، دەپ حابارلايدى “ادىرنا” ۇلتتىق پورتالى كۋرسيۆكە سىلتەپ.
ازات سۇلتانوۆتىڭ ايتۋىنشا، قازاقستان زاڭناماسى شەتەلدىكتەرگە تەك اۋىل شارۋاشىلىعى ماقساتىنداعى جەرلەرگە يەلىك ەتۋگە تىيىم سالادى. ال ونەركاسىپتىك جانە وزگە دە اۋىل شارۋاشىلىعىنا قاتىسى جوق جەرلەردى يەلەنۋگە زاڭ بويىنشا رۇقسات بەرىلگەن.
سۇلتانوۆتىڭ سوزىنشە، مەملەكەت قاجەتى ءۇشىن الىنعان اۋىل شارۋاشىلىعى جەرلەرى كەيىن الاتاۋ قالاسىنىڭ جەر قورىنا وتكىزىلىپ، اۆتوماتتى تۇردە ەلدى مەكەن جەرلەرى نەمەسە باسقا ساناتتاعى جەرلەرگە اۋىستىرىلادى. وسىدان كەيىن ولار شەتەلدىك ينۆەستورلارعا بەرىلۋى مۇمكىن.
بۇل جەرلەردە وندىرىستىك نىساندار، قوناقۇيلەر، كازينو جانە قالانىڭ باس جوسپارىنا ساي باسقا دا جوبالار سالۋ جوسپارلانىپ وتىر. ينۆەستورلار جەردى تەك ماقساتتى تۇردە پايدالانۋى ءتيىس.
ءوز كەزەگىندە ۆيتسە-پرەمەر قانات بوزىمباەۆ جەردىڭ الىپساتارلىق ماقساتتا بەرىلمەيتىنىن ايتتى. ەگەر ينۆەستور بەلگىلەنگەن مەرزىمدە جوبانى جۇزەگە اسىرماسا، جەر مەملەكەتكە قايتارىلىپ، ليتسەنزياسى كەرى قايتارىلۋى مۇمكىن.
