«قاتتى سوكپەڭىزدەرشى». شاتقالعا قاشاپ جازبا قالدىرعان مادەنيەت ءۇيىنىڭ باسشىسى كەشىرىم سۇرادى

شاتقالعا قاشاپ جازۋ جازعان ازامات كوپشىلىكتەن كەشىرىم سۇرادى، دەپ حابارلايدى “ادىرنا”. ەجەلگى ىبىقتى-cاي شاتقالىندا مادەنيەت ءۇيىنىڭ باسشىسى قاشاپ جازبا قالدىرعانى تۋرالى اقپارات تاراعان بولاتىن. الەۋمەتتىك جەلىدە تاراعان ۆيدەوداعى ەر ازامات مادەنيەت ءۇيىنىڭ باسشىسى دەپ حابارلانعان. ەجەلدەن جەتكەن مۇرانى قاشاپ، وعان "مادەنيەتسىزدىكپەن" جازبا جازعان ازامات كوپشىلىكتەن ۆيدەو ارقىلى كەشىرىم سۇرادى. اقتوبەلىك ازامات ءوز ارەكەتىن ادەپسىز ءسوزدى جاسىرۋ ءۇشىن جاسادىم دەپ ءتۇسىندىردى “اڭداۋسىزدا جازا باستىم، اعايىن. جاڭىلمايتىن جاق، سۇرىنبەيتىن تۇياق جوق. اسا قاتتى سوكپەڭىزدەرشى. تاريحي جادىگەرگە قىلدا بولسا قيانات قىلۋ ويىمدا بولعان جوق. كەشىرىم سۇرايمىن”،-دەدى.