تۇڭعىش پرەزيدەنتتىڭ ءباسپاسوز قىزمەتى 1995 جىلى نۇرسۇلتان نازارباەۆ تۇزەتۋلەر ەنگىزگەن كونستيتۋتسيانىڭ سۋرەتتەرىن جاريالادى، دەپ حابارلايدى «ادىرنا» ءتىلشىسى.
ايتا كەتەيىك، بيىل اتا زاڭنىڭ قابىلدانعانىنا 28 جىل تولىپ وتىر.

«قازاقستان رەسپۋبليكاسىنىڭ كونستيتۋتسياسى كۇنىمەن قۇتتىقتايمىز! وسى اتاۋلى كۇندە 1995 جىلدىڭ ساۋىرىندە قازاقستاننىڭ تۇڭعىش پرەزيدەنتى نۇرسۇلتان ءابىشۇلى نازارباەۆتىڭ قاراۋىنا ۇسىنىلعان تاريحي قۇجات – كونستيتۋتسيا جوباسىنىڭ كوشىرمەلەرىمەن ءبولىسىپ وتىرمىز. بۇل بىرەگەي قۇجاتتاردان نۇرسۇلتان نازارباەۆتىڭ جاس جانە تاۋەلسىز مەملەكەتتىڭ بولاشاق كونستيتۋتسياسىنىڭ ماتىنىنە بىرقاتار تۇزەتۋلەر مەن ەسكەرتۋلەر ەنگىزگەنىن كورۋگە بولادى»،— دەلىنگەن حابارلامادا.

