استانادا جولاۋشىلارى بار اۆتوبۋس پويىزعا سوقتىعىستى. اۆتوبۋس جول ەرەجەسىن بۇزعان. بۇل تۋرالى City Transportation Systems جشس ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سۇيەنسەك، وقىس وقيعا 31 تامىز كۇنى ساعات 21:40-تا تايبۋرىل كوشەسىنەن ۇشقوڭىر كوشەسىنە دەيىنگى باعىتتا بولعان.
سونداي-اق، Astanovka Telegram ارناسىندا اۆتوبۋس جانە پويىزدىڭ قاتىسۋىمەن بولعان جول اپاتىنىڭ ۆيدەوسى جاريالانعان. ۆيدەونىڭ سيپاتتاماسىندا №30 مارشرۋتى بويىنشا جۇرەتىن اۆتوبۋستىڭ جۇرگىزۋشىسى جول ەرەجەسىن ورەسكەل بۇزىپ، تەپلوۆوزبەن№30 مارشرۋتى بويىنشا جۇرەتىن اۆتوبۋستىڭ جۇرگىزۋشىسى جول قوزعالىسى ەرەجەسىن بۇزىپ، تەمىرجول وتكەلىندە جول بەلگىلەرى مەن باعدارشامدى ەلەمەي، تەپلوۆوزعا سوقتىعىسقان. وقيعا ورنىنا كەلگەن پوليتسيا قىزمەتكەرى مارشرۋتتىق ترانسپورت قۇرالىنىڭ جۇرگىزۋشىسىنە قارسى اكىمشىلىك حاتتاما تولتىردى، – دەپ حابارلادى كومپانيا وكىلدەرى.
ال CTS ءباسپاسوز قىزمەتى جۇرگىزۋشىنىڭ جولاۋشىلار كولىگىن باسقارۋ بويىنشا 30 جىلدىق تاجىريبەسى بارىن اتاپ ءوتتى. ول №1 اۆتوبۋس پاركىندە 10 جىلدان بەرى جۇمىس ىستەپ كەلەدى. رەيس باستالماس بۇرىن جۇرگىزۋشى مەديتسينالىق تەكسەرۋدەن وتكەن. سونداي-اق كومپانيا جول اپاتى كەزىندە ەشبىر جولاۋشى زارداپ شەكپەگەنىن ايتتى. جۇرگىزۋشى جۇمىستان شەتتەتىلىپ، CTS دايارلاۋ ورتالىعىنا قايتا دايىندىقتان وتۋگە جىبەرىلدى.
استانا قالالىق پوليتسيا دەپارتامەنتىنىڭ ءباسپاسوز قىزمەتى Iveko اۆتوبۋسىنىڭ 53 جاستاعى جۇرگىزۋشىسى اكىمشىلىك قۇقىق بۇزۋشىلىق تۋرالى كودەكستىڭ 610-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتىلعانىن ايتتى.
اتالعان ءىس بويىنشا بارلىق ماتەريال استانا قالاسىنىڭ اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتىنا جولداندى.