رەسەيدىڭ ادىلەت مينيسترلىگى بىرقاتار شىعارماشىل تۇلعالاردى، ساياساتكەرلەر مەن ەكونوميستەردى، نوبەل سىيلىعىنىڭ لاۋرەاتىن، ءتىپتى، ەلدەگى از ەتنيكالىق ۇلت وكىلدەرىن "شەتەل اگەنتى" دەپ كۇستانالادى. ءتىزىم قاتارى تاعى تولىقتى، دەپ حابارلايدى "ادىرنا" ۇلتتىق پورتالى.
بۇل جولعى "ناقاقتان-ناقاق قارا تىزىمگە" ىلىنگەندەر تومەندەگىدەي:
ادىلەت مينيسترلىگى نوبەل سىيلىعىنىڭ لاۋرەاتى جانە"جاڭا گازەت" جەتەكشىسى دميتري مۇراتوۆ پەن "دوجد" ءجۋرناليسى دەنيس كاتاەۆتى "ينواگەنتتەر" دەپ قارالادى.
سونداي-اق تىزىمدە:
سقاقشى رۋسلان بەلىي;
جازۋشى ولەگ رادزينسكي;
جۋرناليست كسەنيا لارينا (وكسانا بارشەۆا);
سانكت-پەتەربۋرگ ساياساتكەرى ماكسيم رەسنيك;
ەكونوميست كونستانتين سونين;
ۆورونەجدەگى ناۆالنىي شتابىنىڭ بۇرىنعى باسشىسى ەۆگەني كارپوۆ;
شەشەن تاريحشىسى جانە اسلان ماسحادوۆتىڭ بۇرىنعى ءباسپاسوز حاتشىسى مايربەك ۆاچاگاەۆ;
"جاڭا تىۆا" سوعىسقا قارسى قوزعالىسى وكىلدەرى بار.
ادىلەت مينيسترلىگىنىڭ ايتۋىنشا، ء"تىزىمنىڭ تورىنە شىققان" نوبەل سىيلىعىنىڭ لاۋرەاتى جانە دميتري مۇراتوۆ "شەتەلدىك اگەنتتەردىڭ ماتەريالدارىن" قۇرۋعا جاردەمدەسكەن جانە تاراتۋعا قاتىسقان.
سونداي-اق رەسەيدىڭ سىرتقى جانە ىشكى ساياساتىن "تەرىس قالىپتاستىرۋعا باعىتتالعان" پىكىرلەردى كەڭىنەن ناسيحاتتاۋ جولىندا "شەتەلدىك الاڭداردى" قولدانعان.
"ادىرنا" ۇلتتىق پورتالى
